День памяти: 29 июля
Тропарь блаженной Матроне Анемнясевской, Касимовской
глас 8
Я́ко зарни́ца небе́снаго огня́ возсия́ в рязанстей стране́ блаже́нная ста́рица свята́я Матро́на, ея́же па́мять дне́сь творя́ще, воспои́м Христа́ Бо́га, моля́ще Его́ дарова́ти на́м тоя́ предста́тельством в боле́знех, беда́х и ско́рбех терпе́ние, и душа́м на́шим ве́лию ми́лость.
Кондак блаженной Матроне Анемнясевской, Касимовской
глас 8
В не́мощех си́лу, в слепоте́ о́чи нетле́нныя обрела́ еси́, пребыва́ющи на одре́ боле́зни, всю́ду я́ко пти́ца ду́хом носилася еси́, младе́нствующи те́лом, была́ еси́ ма́ти скорбя́щим и обурева́емым. Те́мже чту́щих твою́ па́мять не оста́ви в моли́твах, и помоги́ на́м изба́витися от грехо́в покая́нием, и улучи́ти с тобо́ю Ца́рство Небе́сное.
Матрена Григорьевна Белякова родилась 6 ноября 1864 года в деревне Анемнясево Касимовского уезда Рязанской губернии. Родители ее Григорий и Евдокия были едва ли не самыми бедными людьми в деревне и кое-как вели свое крестьянское хозяйство. Отец много пил и слыл в деревне пьяницей. У них было большое семейство – шесть дочерей и два сына. Три сестры умерли в детстве, Матреша была четвертой.
Родители почему-то невзлюбили Матрешу с самого раннего детства, и ей больше, чем кому-нибудь из братьев и сестер, приходилось терпеть обиды, ругань, побои.
В семилетнем возрасте Матреша заболела оспой. После девочка оправилась, но уже навсегда осталась слепою.
Обязанностью же ее было нянчить своих младших сестренок и братьев. Однажды десятилетняя Матреша нечаянно уронила сестренку с крыльца на землю. Увидев это, мать схватила Матрешу и начала жестоко бить. В этот момент духовному взору девочки предстала Царица Небесная. Матреша сказала об этом матери, но та продолжала бить девочку еще сильнее. Видение повторилось три раза. Во время последнего видения Пресвятая Богородица дала Матреше утешительную записочку. О том, что это за записочка и что в ней было написано, блаженная Матрона никогда не рассказывала.
На следующее утро изувеченная девочка не смогла подняться с печи. Навсегда лишившись возможности ходить и что-либо делать, она уже не вставала с кровати во всю свою дальнейшую жизнь.
Односельчане знали о страдальческой жизни девушки, относились к ней с чувством благоговейного уважения и почитали ее угодной Богу, приходя со своими нуждами, скорбями и болезнями.
Первым за помощью пришёл крестьянин её же деревни, по специальности пильщик.
— Матрёша, — сказал он, — вот уж как ты лежишь несколько лет, ты, небось, Богу-то угодна. У меня спина болит, и я пилить не могу. Потрогай-ка спину, может быть, и пройдёт от тебя. Лечился — доктора не помогают.
Матрёша исполнила его просьбу — боли в спине действительно прекратились, и он смог работать.
Крестьянин этот рассказал о своём исцелении соседу, и тот говорит:
— Пойду и я к ней: нас замучили дети, скоро двенадцатый родится; попрошу её помолиться, чтобы Господь прекратил у нас детей.
Пришёл он к Матрёше и попросил помолиться. Матрёша помолилась, и детей у них больше не было.
С тех пор всё больше и больше стали ходить к Матрёше люди со своими нуждами, скорбями и болезнями. С течением времени эти посещения приняли характер настоящего паломничества: к девушке шли не только жители окрестных мест, но и дальних, иногда и самых отдалённых мест нашего Отечества. Причём шли они беспрерывным потоком на протяжении более чем пятидесяти лет в количестве нескольких десятков, а иногда и сотен ежедневно.
Посетители издалека приносили ей различные пожертвования за ее молитвы, но отец обычно все это отбирал на табак или водку.
После смерти родителей много скорбей пришлось претерпеть Матреше от брата и сестры, смотревших на нее исключительно как на средство дохода. Сестра впоследствии отсудила у Матроны домик, построенный почитателями блаженной.
От сестры Матреша перешла на жительство к племяннику Матвею Сергеевичу. Здесь Матреша лежала обычно в небольшой отдельной комнатке крестьянской избы, в маленькой детской кроватке, которая всегда завешивалась пологом. Летом, когда в избе становилось душно, ее выносили в сени, и там лежала она до зимы. Сама она никогда не просила, чтобы ее перенесли в избу, и терпеливо переносила осенний холод.
По внешнему своему виду Матреша была настолько мала, что казалась десятилетним ребенком. Ее платьице, подарок одной из почитательниц, закрывавшее блаженную совсем с ногами, было всего 90 сантиметров в длину.
Особенно строго соблюдала Матрёша посты. С 17 лет она не ела мяса. Кроме среды и пятницы соблюдала такой же пост по понедельникам. В церковные посты почти ничего не ела или ела очень мало. Кроме подвигов поста и молитвы, блаженная, как уже было сказано, добровольно терпела холод, а также перебирала и перекладывала камни, принесённые её почитателями из разных святых мест.
Она легко и свободно разговаривала и пела священные песнопения удивительно чистым и звонким детским голосом, знала наизусть очень много молитв, многие акафисты и церковные песнопения. Во время бесед со своими посетителями она часто читала вслух различные молитвы, подходящие по содержанию к данному случаю. Иногда читала целые акафисты, читала быстро, уверенно, громким голосом. Пела церковные песнопения, совершенно правильно выдерживая особенности гласов и распевов.
На вопрос одного из удивлённых посетителей, спросившего, как это она, будучи слепой, знает наизусть даже целые акафисты, Матрёша ответила, что «придёт добрый человек и прочитает что-нибудь, а я и запомню с Божией помощью».
В беседе с одной из своих глубоких почитательниц Матрёша говорила о том, что «молиться нужно беспрестанно», что «беспрестанная молитва всё сделать может». При этом она сказала о себе, что сама старается молиться беспрестанно и молится по четкам, которые всегда находятся у неё в руке; что молится она и в то время, когда говорит со своими посетителями; что во время этих бесед перебирает чётки, но молится тайно, про себя, незаметно для посетителей. Не видят посетители и четок её, которые всегда скрыты от их взоров.
По молитвам блаженной Матроны совершались исцеления от множества тяжёлых недугов, когда даже врачи не верили выздоровлению, так как совсем недавно видели неблагоприятный исход. Исцелялись прибегавшие к блаженной и от пьянства, и от духовной болезни — беснования. Анна, молодая девушка 19 лет из соседнего села, вышла замуж против воли родителей, людей религиозных и добрых. Вскоре после этого у Анны отнялись рука и нога. Шесть недель пролежала девушка дома неподвижно, и врачи не могли ей помочь. Мать отвезла Анну на лошади к Матрёше. Блаженная помазала девушку маслицем из своей лампадки, и Анна стала постепенно поправляться и начала ходить, но полного выздоровления не было. Через два года Матрона благословила Анну съездить в Саров и Дивеево. По пути в Саров мать с Анной ночевали дома у благочестивой женщины, имевшей дома святыню из Иерусалима. Тогда обнаружилось, что девушка одержима бесом — она испугалась святыни, закричала и бросилась бежать. В Дивееве, посетив блаженную Марию Ивановну и искупавшись в источнике преподобного Серафима, Анна исцелилась душевно. После этого случая Анна стала глубоко верующим человеком и очень почитала Матрону.
Особенно Матрёша любила монахинь и вообще девиц. Монахинь ставила выше мирских, всё им прощала, бывала с ними, как ребёнок.
— Ведь вот не пришлось мне там, в монастыре-то быть, — не раз выражала она сожаление в своих с ними беседах.
— Монашки-то, — говорила она, — сколько раз упадут. Упадут, и опять всё-таки восстанут. А в миру-то человек упал, и уж ему некогда восстать. В миру-то всё искушение, всё как-то неловко. Все мы невоздержные, иной раз без греха не обойдёшься, иной раз и заплачешь…
Начиная с Великого поста 1933 года, Матреша заметно переменилась. Если раньше она со всеми держалась очень просто, всех жалела, вникала в горе каждого человека, беседовала подолгу и охотно, обсуждая всякие дела житейские, то теперь блаженная как будто совсем перестала интересоваться земной жизнью. О житейских делах она стала говорить редко и неохотно, только в исключительных случаях. Зато о жизни духовной, тем более о будущей жизни она готова была говорить день и ночь. Очень охотно, с любовью принимала она таких людей, которые шли к ней с вопросами духовного порядка.
Летом 1935 года в Белькове было заведено «дело попов Правдолюбовых и больного выродка Матрены Беляковой». Началось оно с доноса одного жителя города Касимова на священника Николая Правдолюбова в связи с рукописной книгой – жизнеописанием блаженной Матроны. Книга была подписана им и его братом, священником Владимиром Правдолюбовым, и подготовлена к печати. Были арестованы десять человек. По списку должна была быть арестована и блаженная Матрона. Все арестованные были уже отправлены в Рязань и Москву, а Матрону боялись трогать.
Наконец было собрано колхозное собрание, на котором постановили «изъять» Матрону Григорьевну Белякову как «вредного элемента». Из трехсот жителей села подписались двадцать четыре активиста. Сельсовет дал характеристику «на Белякову М. Г.», в которой она прямо и открыто названа святой без всяких кавычек и иронии: «Данная гр[ажданка] является вредным элементом в деревне, она своей святостью сильно влияет на темную массу… Ввиду этого по с/с (сельсовету) задерживается ход коллективизации».
После отправки заключенных в Рязань была послана машина и за блаженной Матроной. Подъехали к ее дому днем, не таясь. Вошли. По долгу службы подошел председатель сельсовета и, преодолевая страх, поднял Матренушку с ее дощатой постели. Матрона закричала тоненьким голоском. Народ оцепенел. Председатель стал выносить. В дверях сказал: «Ой, какая легкая!» Матрона сказала: «И твои детки такими легкими будут». Все дети председателя перестали расти после ареста блаженной Матроны. Сам он несколько лет спустя очень тяжело умирал. Дело было летом. Дом стоял с открытыми окнами из-за жары. Он кричал так громко от боли, что слышало полдеревни. В народе говорили: «Это тебе не Матрешеньку поднимать!» Но он позвал священника и искренне и горячо каялся в своих грехах, умер в мире с Церковью.
В Москве блаженная Матрона прожила почти год. Предположительно, она была заключена в Бутырскую тюрьму. Но пробыла она там недолго, потому что сделалась объектом почитания почти всех, без исключения, заключенных, которые начали петь акафисты и молиться. Ее должны были куда-то деть. Убить боялись, а отправить в лагерь не позволял пример тюремного молитвенного подъема заключенных.
Документально засвидетельствовано, что блаженная Матрона умерла от сердечной недостаточности 16 (29) июля 1936 года в Доме хроников имени А. Н. Радищева в Москве, недалеко от храма Рождества Пресвятой Богородицы во Владыкине. Так как рядом было большое Владыкинское кладбище, частично сохранившееся до нашего времени, можно сделать предположение, что блаженная Матрона была похоронена на этом кладбище.
По благословению Святейшего Патриарха Московского и всея Руси Алексия, прославление святой блаженной Матроны Анемнясевской было совершено 9/22 апреля 1999 года архиепископом Рязанским и Касимовским Симоном с собором духовенства Рязанской епархии. Блаженная Матрона Анемнясевская сначала была прославлена как местночтимая святая Рязанской епархии, а на Юбилейном Архиерейском Соборе 2000 года она была канонизирована в лике новомучеников и исповедников Российских для общецерковного почитания. Подвиг ее святости сочетает в себе как пример необычайного терпения, поста и молитвы, так и образ исповедничества.
Святая блаженная Матрона Анемнясевская в наши дни, как и 70 лет назад, подаёт благодатную помощь в ответ на молитвы.
О современных чудесах по молитвам новопрославленной святой свидетельствует настоятель храма Живоначальной Троицы в Троицком-Голенищеве протоиерей Сергий Правдолюбов и многие прихожане.
Служащие храма Живоначальной Троицы в Троицком-Голенищеве Анатолий и Иоанна не имели детей, состоя в браке 8 лет. Супруги просили блаженную о даровании чада, и в ответ на молитву у них родилась дочь.
У прихожанки Троицкого храма Галины сильно болели ноги. Пожилой женщине тяжело было посещать церковные службы, о чём она сильно скорбела. Галина усердно молилась двум блаженным Матронам: Анемнясевской и Московской. В ответ на её молитву бумажные иконы стали источать капельки благовонной жидкости. Квартиру Галины посетили многие прихожане Троицкого храма, прикладывались к мироточащим иконам обеих святых, помазывались истекавшим из них миром. Галина почувствовала себя значительно лучше, ноги перестали болеть.
Настоятель Троицкого храма протоиерей Сергий вёл машину по Бережковской набережной. Внезапно возникла аварийная ситуация. По словам отца Сергия, от падения в Москву-реку его спасло только то, что он мгновенно успел призвать на помощь блаженную Матрону.
В городе Касимове пожилая женщина, страдающая радикулитом, скорбела из-за того, что была не в силах встать и пойти на службу. Она горячо молила о помощи блаженную Матрону. Вдруг все её тело охватил жар, а когда он прошёл, женщина почувствовала себя здоровой, встала и пошла в храм.
Перед чтимой иконой блаженной Матроны, которая находится в храме Живоначальной Троицы в Троицком-Голенищеве, всегда горит множество свечей, так что трудно найти на подсвечнике свободное место. Подсвечник перед иконой — дар семьи прихожан, почитателей блаженной. Икона украшена декоративными бабочками в знак благодарности от людей, получивших помощь от Матроны. Верующие постоянно заказывают блаженной молебны. По воскресным дням вечером читается акафист Матроне Анемнясевской. Многие, будучи наслышаны о чудесах блаженной Матроны, приезжают издалека.
На месте дома Матроны в Анемнясеве построена часовня тщанием протоиерея Серафима (Правдолюбова) и местных жителей.
Жизнеописание подвижницы было составлено при ее жизни священником Николаем Анатольевичем Правдолюбовым и его братом Владимиром Анатольевичем Правдолюбовым.
За эту рукописную книгу ее авторы были арестованы и осуждены на долгие годы лагерей.
Авторскую рукопись обнаружил в наши дни в Архиве ФСБ протоиерей Сергий Правдолюбов, настоятель московского храма Живоначальной Троицы в Троицком-Голенищеве.
АКАФИСТ БЛАЖЕННОЙ МАТРОНЕ АНЕМНЯСЕВСКОЙ
Кондак 1
Избранную угодницу Христову, в земли рязанстей просиявшую, и преизрядную молитвенницу о душах наших песньми восхвалим, блаженную Матрону: ты бо в терпении мнозе житие твое претекла еси, и страданием украсившися, угодна Богу явилася еси. Темже убо стяжавши дерзновение ко Господу, Того моли избавити ны от всякаго зла, с любовию чтущих память твою и поющих ти: Радуйся, Матроно, в скорбех и напастех нам помогающая.
Икос 1
Ангельски поживши, блаженная Матроно, телесе страданием душу твою убелила еси и небесныя радости причастница быти сподобилася еси. И ныне, пребывающи во Царствии Небеснем вкупе с лики ангел и всех святых, непрестанно молишися за ны, со умилением поющих ти таковая:
Радуйся, земли рязанския похвало;
Радуйся, страны российския молитвеннице новая.
Радуйся, Богу житием твоим угодившая;
Радуйся, терпением мнозем душу убелившая.
Радуйся, страданием украшенная;
Радуйся, венцем славы от Бога увенчанная.
Радуйся, с дерзновением ко Господу молящаяся;
Радуйся, на земли прославляемая.
Радуйся, яко ныне пред Царем царей предстоиши;
Радуйся, яко чтущих тя пред Богом поминаеши.
Радуйся, со всеми святыми на Небеси пребывающая;
Радуйся, о прославляющих тя Бога молящая.
Радуйся, Матроно, в скорбех и напастех нам помогающая.
Кондак 2
Видяще, яко болезнию издетска избра тя Господь, Того бо сила в немощи совершается, радуемся таковому о тебе Божию смотрению, вопиюще Ему: Аллилуиа.
Икос 2
Разумеющи Божие изволение, от юности Господу вручила еси себе, и вземши свой крест болезней телесных, яко от руку Самаго Христа, чрез все житие твое невозвратно Тому последовала еси. Мы же Господа, избравшаго тя, прославляюще, радостно вопием ти:
Радуйся, Богом избранная;
Радуйся, Христу уневещенная.
Радуйся, сердце твое Господеви отдавшая;
Радуйся, крест твой безропотно понесшая.
Радуйся, издетска на Господа уповавшая;
Радуйся, устнами чистыми Богови молившаяся.
Радуйся, отроковице, от Бога услышанная;
Радуйся, в терпении твоем свыше укрепленная.
Радуйся, Духа Святаго сосуде очищенный;
Радуйся, яко о тебе сила Божия является.
Радуйся, в немощи лежащая немощным помощнице;
Радуйся, Божия благодати цельбоносный источниче.
Радуйся, Матроно, в скорбех и напастех нам помогающая.
Кондак 3
Бурю укоризн и поруганий от родителю твоею непрестанно с младенчества претерпевающи, на Бога единаго уповала еси, веровавши словесем Его: яко аще же и мать забудет дитя свое, но Аз не забуду тебе, с надеждою вопияла еси Тому: Аллилуиа.
Икос 3
Имущи от седми лет очи слепе, слезы многи пролила еси, от матере биения терпящи, и се, явися ти Сама Пречистая, егда же матери сие рекла еси, та паки всуе зле бияше тя, обаче трищи Богородица являшеся, оставивши тебе рукописание утешительное. Тебе же оттоле в разслаблении лежащей и не озлобленней, со слезами приносим таковая:
Радуйся, беды от сродник терпевшая;
Радуйся, в молчании скорби понесшая.
Радуйся, издетска возлюбившая Бога яко Отца;
Радуйся, уповавшая в напастех на Того единаго.
Радуйся, многослезныя молитвы к Богу пролиявшая;
Радуйся, многи скорби от матере твоея претерпевшая.
Радуйся, отроковице, от Матере Божия возлюбленная;
Радуйся, под покровом милости Ея утешенная.
Радуйся, показавшая образ кротости и незлобия;
Радуйся, поревновавшая смирению Христову.
Радуйся, яко в тебе вера и любы являются;
Радуйся, яко житие твое по Бозе прославляется.
Радуйся, Матроно, в скорбех и напастех нам помогающая.
Кондак 4
Сила Божия укрепляше тя, егда в болезни страдальчествующи, яко злато в горниле огненнем, душу твою очистила еси, и в горний Иерусалим устремилася еси, ум и сердце отрешивши от всего земнаго и привременнаго, и на всяком месте, идеже превитала еси, пояше песнь Богу: Аллилуиа.
Икос 4
Видев некий человек тя к одру болезни пригвожденную и разумея в простоте сердца своего, яко Богу угодна еси, прииде к тебе в немощи своей, дабы от рук твоих получити исцеление. Мы же, видяще совершение просимаго, Бога прославляюще похвальная приносим ти:
Радуйся, волю свою воли Божией покорившая;
Радуйся, яко Иов вся от Бога благодарне приимшая.
Радуйся, язвы и раны на теле твоем носившая;
Радуйся, в жертву Богу всю себе принесшая.
Радуйся, силою Божиею в болезни укрепленная;
Радуйся, душею, яко в горниле очищенная.
Радуйся, отрешившая ум и сердце от всего земнаго;
Радуйся, помышлявшая токмо о небеснем.
Радуйся, в горний Иерусалим устремившаяся;
Радуйся, сподобльшаяся сладости райския.
Радуйся, от Господа дар исцеления приимшая;
Радуйся, прикосновением руку твоею исцелявшая.
Радуйся, Матроно, в скорбех и напастех нам помогающая.
Кондак 5
Звезда многосветлая явилася еси, предивная мати Матроно, яко светильник неугасаяй, путеводящи человеков по морю житейскому, людския страсти в дусе кротости обличала еси и подавала еси всем исцеления не токмо телесная, но и душевная, увещавающи церковь Божию посещати и за вся Бога славити, с любовию поюще Ему: Аллилуиа.
Икос 5
Слышавше людие ближнии и дальнии о чудесех тобою творимых, притекаху к тебе, яко к купели силоамстей, в болезнех и скорбех, бедах и нуждах, и никтоже от тебе без утешения отиде. Ты же, мати Матроно, помогающи всем, назидала еси наипаче Бога благодарити. И мы, прославляюще твое смирение, поем ти таковая:
Радуйся, Божественнаго Духа чистое селение;
Радуйся, к Богу стяжавшая велие дерзновение.
Радуйся, по морю житейскому путеводящая;
Радуйся, болезни телесныя и душевныя исцеляющая.
Радуйся, сущих во страстех с кротостию обличавшая;
Радуйся, путь смирения во спасение нам указавшая.
Радуйся, врачьми оставленных дивное исцеление;
Радуйся, в пианстве гибнущих скорое исправление.
Радуйся, яко обидимых от злых заступаеши;
Радуйся, яко погибающих в бедствиих спасаеши.
Радуйся, сродник враждующих благое примирение;
Радуйся, с верою прибегающым к тебе присное утешение.
Радуйся, Матроно, в скорбех и напастех нам помогающая.
Кондак 6
Дивно и странно есть слышати, мати Матроно, како не имущи научения книжнаго, людем приходящым поучения от Священнаго Писания глаголала еси. Наставляющи пребывати их в заповедех Господних, жития святых во образ им полагала еси, подвизающи всех звати Богу: Аллилуиа.
Икос 6
Возлюбивши обитель Дивеевскую, зело почитала еси блаженную Марию, тамо пребывающую, и с нею сущи во общении духовнем, молитву вкупе творила еси. И тако многия недужныя и страждущыя от дух нечистых вашими молитвами исцеляюще, на путь покаяния наставляли есте. Мы же Бога, дивнаго во святых своих, восхваляюще, приносим ти таковая:
Радуйся, измлада благодати Божия исполненная;
Радуйся, дары Духа Святаго обогащенная.
Радуйся, премудрость и разум от Бога приявшая;
Радуйся, твоими ученьми во спасение назидавшая.
Радуйся, от Бога свыше наученная;
Радуйся, паче книжных просвещенная.
Радуйся, подававшая совет благий во исправление;
Радуйся, направлявшая от вечныя погибели ко спасению.
Радуйся, пребывавшая с блаженною Мариею в духовнем общении:
Радуйся, посылавшая бесных многих к ней за исцелением.
Радуйся, на земли сподоблшаяся слышати пение небесное;
Радуйся, яко ныне на небесех Господу воспеваеши со ангелы.
Радуйся, Матроно, в скорбех и напастех нам помогающая.
Кондак 7
Иноческий чин превыше всего земнаго поставлявшая, сердцем своим скорбела еси яко не возможно есть тебе во святей обители пребывати. Мы же Господу, давшему ти поприще иное прейти, сиречь в мирстем чине людем послужити, благодарственно воспоим: Аллилуиа.
Икос 7
Имущи огнь любве ко Господу в сердце своем, подвигу преподобных отцев поревновала еси блаженная, непрестанно умерщвляющи плоть свою хладом, бдением и пощением. Мы же, немощнии, ублажающе тя, зовем тебе сице:
Радуйся, от юности возлюбившая нищету духовную;
Радуйся, дух твой окрилившая тайною молитвою.
Радуйся, благое иго Христово на ся вземшая;
Радуйся, бремя Его с радостию понесшая.
Радуйся, любовию Божиею возжженная свеще;
Радуйся, преподобных отцев подражательнице.
Радуйся, мраз со благодушием претерпевавшая;
Радуйся, постом твоим дух немощных укреплявшая.
Радуйся, лучами Святаго Духа озаренная;
Радуйся, преисполненная милости к ближним и сострадания.
Радуйся, бедствующым на помощь ускоряющая;
Радуйся, в радость претворяющая печаль скорбящих.
Радуйся, Матроно, в скорбех и напастех нам помогающая.
Кондак 8
Новое и лютое гонение на Церковь Божию власть предержащии воздвигоша, дышаще прещением и убийством. Ты же, Матроно, в правой вере всех укрепляющи, увещавала еси вся претерпети и веру хранити, со упованием взывающе к Богу: Аллилуиа.
Икос 8
Хотяща списати житие твое, блаженная Матроно, приидоста к тебе два верных мужа, ты же ничесоже о себе глаголала еси, обаче узревши духовныма очима, яко от Господа мученический венец обема уготован есть, молилася еси, просящи има у Господа терпения и помощи, во еже крест понести. Сего ради, тайнозрению твоему дивящеся, приносим ти таковая:
Радуйся, Бога паче всего земнаго возлюбившая;
Радуйся, себе ни во чтоже вменившая.
Радуйся, паче жизни возжелавшая Царствия Небеснаго;
Радуйся, на мученичество укреплявшая верных.
Радуйся, молитвеннице о сущих в гонениих;
Радуйся, научающая за Христа терпети страдания.
Радуйся, прозревшая уготованныя верным венцы;
Радуйся, яко о святости твоей свидетельствоваша мученицы.
Радуйся, наставлявшая благодарне крест Богом данный нести;
Радуйся, увещававшая всегда ко Господу прибегати.
Радуйся, како в страданиих веру хранити показавшая;
Радуйся, яко немощныя в скорбех укрепляеши.
Радуйся, Матроно, в скорбех и напастех нам помогающая.
Кондак 9
Внегда соблазны мнози Церковь Русскую обуреваху, ты, Матроно, ревнительница сущи веры православныя, чада Божия в смятении пребывающая увещавала еси душепагубных расколов уклонятися, да чистым сердцем всегда взывают Богу победную песнь: Аллилуиа.
Икос 9
Все житие твое, достоблаженная мати Матроно, преисполненно проповедания веры, надежды и любве, яже к Богу и ближним. Ты бо страждущи по воли Божией, яко верну Зиждителю, душу твою предала еси во благотворение. Сего ради приими от нас приносимое ти ныне песнопение:
Радуйся, верное чадо Церкве Православныя;
Радуйся, в броню веры и любве оболкшаяся.
Радуйся, непреложне за Господем последовавшая;
Радуйся, чистоту веры сохранившая.
Радуйся, смятенных наставлявшая в Православии;
Радуйся, обличавшая отпавших от Церкве.
Радуйся, хранящая от пагубных расколов чада Божия;
Радуйся, скорбящая об уклонившихся веры правыя.
Радуйся, безприкладный источниче веры, надежды и любве;
Радуйся, истины немолчное проповедание.
Радуйся, немощныя в вере заступающая;
Радуйся, малодушныя с любовию утешающая:
Радуйся, Матроно, в скорбех и напастех нам помогающая.
Кондак 10
Не может град укрытися верху горы стоя, тако и ты, богомудрая Матроно, яко свеща на свещнице светом любве своея вся осиявала еси, да видящий добрая дела твоя прославляют Бога Отца, иже на Небесех, воспевающе Ему: Аллилуиа.
Икос 10
Людие неразумнии, грехом уязвленнии и не хотящии к Богу обратитися, да исцелит их, возскрежеташа на тя, блаженная Матроно, и злосоветие сотворивше, изгнаша тя из веси своея. Человек же тяжкосердый, иже изнесе тя, в наказание злострадая, каяся, издше, зане Бог поругаем не бывает. Мы же, видяще вся бывшая, в страсе Божием взываем ти:
Радуйся, милосердию Христову подражавшая;
Радуйся, безмездно цельбы людем подававшая.
Радуйся, граде, верху горы стояй;
Радуйся, свете любве Божия, всех осияваяй.
Радуйся, за имя Христово хулимая;
Радуйся, гонимая за веру Божию.
Радуйся, людем в нуждах благотворившая;
Радуйся, злая возблагая приимшая.
Радуйся, правды ради изгнанная;
Радуйся, о изгоняющих тя молившаяся.
Радуйся и веселися, на подвиг Богом благословенная;
Радуйся, яко мзда твоя многа на Небесех.
Радуйся, Матроно, в скорбех и напастех нам помогающая.
Кондак 11
Не устрашилася еси, угоднице Божия, уз темничных, ибо радостию почитала еси за Христа страдания прияти, темже убо в тяжких недузех пребывающи, немощию своею сильных мира сего посрамила еси. Сего ради велегласно воспоим Богу победившему мир: Аллилуиа.
Икос 11
Аще и не до смерти пострадала еси, блаженная Матроно, но исповедничеством веры украсившися, венец славы от Бога прияла еси. Ныне же с ликом новомучеников и исповедников российских соувенчанно пребываеши и за чада Божия тепле предстательствуеши. Мы же, крепостию духа твоего утверждаемии, воспеваем ти таковая:
Радуйся, уз темничных не устрашившаяся;
Радуйся, страстем Христовым приобщившаяся.
Радуйся, радостию почитавшая гонения за веру;
Радуйся, посрамившая сильных мира немощию своею.
Радуйся, приимшая заточение Царствия ради Божия;
Радуйся, яко тамо слово Господне не преставаше проповедати.
Радуйся, в скорбех лютех не унывавшая;
Радуйся, искушения мужески терпевшая.
Радуйся, исповеданием веры украшенная;
Радуйся, с мученики соувенчанная.
Радуйся, не убоявшаяся от убивающих тело;
Радуйся, ныне за скорби зело утешенная.
Радуйся, Матроно, в скорбех и напастех нам помогающая.
Кондак 12
Уготовляющися в мир иной отити, рекла еси знаемей своей, яко Мардария ныне наречена еси, лишше же ничесоже глаголющи, но вся устремилася еси горе, от всего житейскаго отрешившися, и токмо к Богу ум свой возводящи, яко к надежде непреложней, с упованием на милость его вопияла еси Ему: Аллилуиа.
Икос 12
Поюще по Бозе подвижническое твое житие, достохвальная мати Матроно, не вемы, где погребена еси, но истинно вемы, яко блаженнаго упокоения в Бозе сподобльшаяся, в Царстве Его пребывавши и всем призывающым тя помощь скорую подаеши. Мы же Бога, прославльшаго тя, благодаряще, пение сердечное приносим ти:
Радуйся, вознесшаяся умом своим ко Господу;
Радуйся, в немощи стяжавшая высоту духовную.
Радуйся, за весь мир с усердием молящаяся;
Радуйся, ластовице благоглаголивая.
Радуйся, яко не скрыла еси талант Богом данный;
Радуйся, обретшая бисер многоценный.
Радуйся, веры зерно горушично в себе возрастившая;
Радуйся, пшенице, мног плод принесшая.
Радуйся, мудрая дево, еяже светильник не угасает;
Радуйся, яко имя твое написася в книзе жизни.
Радуйся, яко на всяк день оболчена бе в одеяние брачное;
Радуйся, на пир к Небесному Жениху избранная.
Радуйся, Матроно, в скорбех и напастех нам помогающая.
Кондак 13
О святая блаженная мати Матроно, зряще твое скорбное житие, со умилением сердечным молим тя: приими ныне от нас, немощных, малое сие моление, с любовию тебе приносимое, огради ны молитвами твоими от всякия скорби, беды и нужды, да предстательством твоим избавимся вечныя муки, да сподобит и нас Господь купно с тобою и всеми святыми во веки в Вышних пети Ему песнь трегубую: Аллилуиа.
(Этот кондак читается трижды, затем икос 1 и кондак 1)
Молитва первая
О преславная и достоблженная мати Матроно, житие твое скорби исполнено бе, но взирающе на смирение твое молим тя, угоднице Божия, умоли всещедраго Бога, да низпослет нам, недостойным, милость Свою, паче же утвердит и укрепит ны в несении креста нашего, да отвержемся себе и пойдем по пути спасения за Христом, смиривше выя своя под крепкую руку Божию, принимающе вся, яже от руки Его: вемы, яко Господь един может и падших возставити, и заблуждших возвратити, и соблазнившихся исправити, и грешников праведники соделати.
Огради нас, мати Матроно, молитвами твоими от сети лукаваго, да не прельщеннии им возвратимся вспять. Еще молим тя, яко имущую велие дерзновение ко Господу, пролей теплую молитву за ны, недужныя и унылыя, и испроси у Господа коемуждо благопотребная, да подаст Господь и нам, якоже тебе, терпение и благодушие в бедах и скорбных обстояниих, да поживем по воли Его во вся дни живота нашего, зане воистинну вемы, яко весть Отец наш Небесный, ихже требуем, прежде прошения нашего.
О, блаженная мати Матроно, многоименитому сонму новомучеников российских причтенная, с ними моли Господа нашего и Спаса Иисуса Христа, да сохранит Церковь Православную от соблазнов, ересей и расколов, да оградит Господь страну нашу от всех наветов видимых и невидимых враг и изимет ю из пучины безбожия: вемы, яко живем ныне токмо ради крове мучеников излиянныя, дарует же и нам Господь ничесоже боятися, верным же быти Ему даже до смерти, и яко мучениколюбцем со мученики возрадоватися во Царствии Небеснем.
Ей, мати Матроно, испроси нам у Человеколюбца Господа время покаяния, да не исторгнет ны аки плевелы прежде жатвы, да не во зле погибнем, но да очистит ны от всякия скверны плоти и духа, во еже явитися нам в день судный нескверным и непорочным пред лицем Его, да чистым сердцем, яко истинная чада Божия, радостне воззовем к Нему: не отрини ны Господи, и приими во Царствие Твое, идеже Ты царствуеши со Отцем и Святым Духом во веки веков. Аминь.
Молитва о даровании чад
О блаженная мати Матроно, к твоему предстательству прибегаем и тебе слезно молим, яко имущую велие дерзновение ко Господу, пролей теплую молитву о рабех твоих, в скорби душевней пребывающих и помощи от тебе просящих. Истинно бо слово Господне: просите и дастся вам, и паки: яко аще два от вас совещаета на земли о всякой вещи, еяже аще просита, будет има от Отца Моего, иже на Небесех.
Услыши убо воздыхания наша и донеси я ко Престолу Владычню, идеже ты предстоиши, вемы, яко много может пред Богом молитва праведника. Да не до конца забудет нас Господь, но призрит с высоты Небесныя на скорбь рабов Своих и плод чрева на полезное дарует. Воистинну, Бог идеже хощет побеждается естества чин, творит бо елика хощет: яко сотвори Господь Аврааму и Сарре, Захарии и Елисавете, Иоакиму и Анне, с нимиже моли, тако да сотворит Господь Бог и нам по милости Своей и неизреченному человеколюбию. Буди Имя Господне благословенно от ныне и до века. Аминь.