дата празднования: 6 июня
Тропарь Вознесению Господню,глас 4
Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.
Кондак Вознесению Господню, глас 6
Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми и никто́же на вы.
Величание Вознесению Господню
Велича́ем Тя,/ Живода́вче Христе́,/ и почита́ем е́же на Небеса́/ с пречи́стою Твое́ю Пло́тию// Боже́ственное вознесе́ние.
Праздник Вознесения сочетает в себе радость встречи и радость разлуки. После искупительных страданий Учителя смерть разлучила апостолов с Ним. В скорби находились они. Но, как мы знаем, после славного Воскресения Своего Господь много раз в течение сорока дней (от Пасхи до Вознесения) являлся им, беседовал с ними, наставлял их. Каждая такая встреча учеников со своим Божественным Учителем, несомненно, была радостью для них.
Но вот наступила последняя встреча. Последняя беседа Учителя с учениками. И за ней последовала разлука на долгие, долгие времена. До самого Его второго пришествия на землю.
Надо бы печалиться… А апостолы и ближайшие ученики Христовы, еще маленькая Церковь, которая уже создалась на земле, находятся в радости…
Евангелист Лука повествует нам, что по Вознесении апостолы с радостью вернулись в Иерусалим (Лк. 24, 52). К этой радости они были подготовлены Самим Господом.
Мы знаем, что ближайшие ученики Спасителя были неразлучны с Ним во все дни Его земной жизни. Наслаждались беседой с Ним. Слушали Его поучения. Видели чудеса, творимые Им…
Правда, тогда они еще не все полностью и правильно понимали, так как еще не были просвещены Святым Духом. Но им было радостно видеть своего Божественного Учителя, исполнять Его повеления. И потому, когда Он на Тайной вечери говорил им о том, что Ему надлежит и пострадать, и умереть, и в третий день воскреснуть, и затем совсем уйти от них, Он, конечно, заметил, что они опечалились.
Утешая их, Спаситель сказал им: “Если бы вы Меня, действительно, любили, вы радовались бы, что Я иду к Отцу Моему. Для вас же лучше, чтобы Я пошел к Отцу. Потому что Я приготовлю вам место, чтобы и вы были, где Я. Я пошлю вам от Отца Духа Утешителя, Который наставит вас на всякую истину” (ср.: Ин. 14, 28).
Ученики Христовы были подготовлены к предстоящей разлуке, и потому они радуются. Радуются они за своего Господа и Учителя, так как знают, что Он возвращается в ту славу, которая Ему принадлежит. Радуются и за себя, и за весь род человеческий.
Господь оставил на земле Свое Божественное учение, указал путь, идя по которому мы можем достигнуть вечной блаженной жизни в неизреченном Царстве Божием. Для искупления наших грехов принял человеческую плоть. Освятил ее Своей Божественной силой и с этой преображенной плотью вознесся на небо. На то высшее небо, где особенно пребывает Бог, куда не проникает ни грех, ни смерть, где пребывают только святость и правда, где Бог открывает Свою славу в неприступном блеске. И вот там, в этом месте постоянного присутствия Божия, наш Господь Спаситель пошел приготовить место всем истинным последователям Его. Своим Вознесением на небо Господь с очевидностью засвидетельствовал, что Он воистину Сын Божий и истинный Бог. Ведь возносился Он на небо Сам, Своей собственной силой, показав при этом Свое Божественное величие.
Святой Григорий Богослов говорит: “Спасителю не нужна была колесница, не нужна была помощь и Ангелов, ибо Творец Своей Божественной силой вознесся на Небо. Возвратился туда, где пребывал от века…”
Молитва Вознесению Господню
Го́споди Иису́се Христе́, Бо́же наш, соше́дый с Небе́сных высо́т спасе́ния на́шего ра́ди и напита́вый нас духо́вною ра́достию во святы́я и пресве́тлыя дни Воскресе́ния Твоего́, и па́ки по соверше́нии земна́го служе́ния Твоего́ вознесы́йся от нас на не́бо со сла́вою и возседы́й одесну́ю Бо́га и Отца́! В сей “я́сный и всесве́тлый день Боже́ственнаго на небеса́ восхожде́ния” Твоего́ “земля́ пра́зднует и лику́ет, ра́дуется и не́бо Вознесе́нием днесь Творца́ тва́ри”, челове́цы славосло́вят непреста́нно, зря́ще заблу́ждшее и па́дшее естество́ свое́ на ра́мо Твое́, Спа́се, взе́млемо и на небеса́ вознесе́нное, А́нгели же веселя́тся, глаго́люще: Кто Сей, прише́дый во сла́ве, си́лен во бра́ни. Сей вои́стину Царь Сла́вы?! Сподо́би и нам немощны́м, земна́я еще́ му́дрствующим и плотоуго́дия, твори́ти непрестаю́щим, восхо́д Твой на не́бо стра́шный помышля́ющи и пра́зднующе, плотска́я и жите́йская отложи́ти попече́ния и со Апо́столы Твои́ми на не́бо ны́не взира́ти всем се́рдцем свои́м и все́ми помышле́ньми свои́ми, помина́юще, я́ко та́мо на небеси́ горе́ жи́тельство на́ше есть, здесь же на земли́ мы то́чию стра́нники и прише́льцы есмы́, отше́дшия из до́ма О́тча в страну́ дале́чу греха́. Сего́ ра́ди усе́рдно про́сим Тя, пресла́вным Вознесе́нием Твои́м, Го́споди, оживи́ на́шу со́весть, ея́же ну́жнейши ничто́же есть в ми́ре, возведи́ нас из пле́на сего́ грехо́внаго пло́ти и ми́ра и сотвори́ нас го́рняя му́дрствовати, а не земна́я, я́ко да не ктому́ себе́ угожда́ти бу́дем и жи́ти, но Тебе́ Го́споду и Бо́гу на́шему служи́ти бу́дем и порабо́таем, до́ндеже отреши́вшеся от уз пло́ти и проше́дши невозбра́нно возду́шныя мыта́рства, дости́гнем Небе́сных оби́телей Твои́х, иде́же, ста́вше одесну́ю Вели́чествия Твоего́, со Арха́нгелы и А́нгелы и все́ми святы́ми прославля́ти бу́дем Всесвято́е и́мя Твое́ со Безнача́льным Твои́м Отце́м и Пресвяты́м и Единосу́щным и Животворя́щим Твои́м Ду́хом, ны́не и при́сно и во ве́ки веко́в. Ами́нь.
КАНОН ВОЗНЕСЕНИЮ ГОСПОДНЮ
глас 5
Песнь 1
Ирмос: Спасителю Богу в мори люди немокрыми ногами наставльшему, и фараона со всевоинством потопльшему, Тому Единому поим, яко прославися.
Припев: Слава, Господи, святому Вознесению Твоему.
Воспоим вси людие, на рамех Херувимских вознесшуся со славою Христу и спосадившему нас одесную Отца, песнь победную: яко прославися.
Слава, Господи, святому Вознесению Твоему. Ходатая Богу и человеком Христа, лицы Ангельстии видевше с плотию в вышних, удивляхуся, согласно же воспеваху песнь победну: яко прославися.
Слава: Явльшемуся Богу на горе Синайстей и закон давшему Боговидцу Моисею, от горы Елеонстей вознесшемуся плотию, Тому вси воспоим: яко прославися.
И ныне: Пречистая Мати Божия, воплощеннаго от Тебе, и от недр Родителя не отступльшего Бога непрестанно моли, от всякаго обстояния спасти, яже созда.
Песнь 3
Ирмос: Силою Креста Твоего Христе, утверди мое помышление, во еже пети и славити спасительное Твое Вознесение.
Слава, Господи, святому Вознесению Твоему. Возшел еси Жизнодавче Христе ко Отцу, и вознесл еси род наш Человеколюбче, неизреченным благоутробием Твоим.
Слава, Господи, святому Вознесению Твоему. Чини Ангельстии, Спасе, человеческое естество видевше совосходящее Тебе, непрестанно удивляеми воспеваху Тя.
Слава, Господи, святому Вознесению Твоему. Ужасахуся Ангельстии лицы, Христе, зряще Тя с телесем вознесшася, и воспеваху святое Твое Вознесение.
Слава: Естество человеческое, Христе, тлением падшее возставил еси, и восходом Твоим вознесл еси, и с Собою нас прославил еси.
И ныне: Моли непрестанно, Чистая, произшедшаго от ложесн Твоих, избавитися прелести диаволи, поющим Тя, Матерь Божию.
Седален, глас 8-й
Вслед на облаки небесныя, оставив мир сущим на земли, возшел и сел еси одесную Отца, яко Единосущен Сему Сый и Духу. Аще бо и во плоти явился еси, но непреложен пребыл еси: темже чаеши совершения конец, судити грядый на землю миру всему. Правосуде Господи, пощади души наша, прегрешений оставление даруя, яко Бог Милостив, рабом Твоим.
Песнь 4
Ирмос: Услышах слух силы Креста, яко рай отверзеся им, и возопих: слава силе Твоей, Господи.
Слава, Господи, святому Вознесению Твоему. Вознеслся еси во славе, Ангелов Царю, Утешителя нам от Отца послав. Темже вопием: слава, Христе, Вознесению Твоему.
Слава, Господи, святому Вознесению Твоему. Яко взыде Спас ко Отцу с плотию, удивишася Ему Ангельская воинства, и возопиша: слава, Христе, Вознесению Твоему.
Слава: Ангельския силы горнейшим вопияху: врата возмите Христу нашему Царю, Егоже воспеваем вкупе со Отцем и Духом.
И ныне: Дева роди, и матерняя не позна: но Мати убо есть, Девою же пребысть, Юже воспевающе, радуйся Богородице, взываем.
Песнь 5
Ирмос: Утренююще вопием Ти, Господи, спаси ны: Ты бо еси Бог наш, разве бо Тебе иного не знаем.
Слава, Господи, святому Вознесению Твоему. Исполнив веселия всяческая, Милостиве, к горним силам с плотию пришел еси.
Слава, Господи, святому Вознесению Твоему.Ангельския силы вземлема Тебе видевше, врата, взываху Царю нашему, возмите.
Слава: Апостоли видевше возвышаема Спаса, с трепетом взываху Царю нашему: слава Тебе.
И ныне: Деву по рождестве поем Тя, Богородице, Ты бо Бога Слова плотию мирови родила еси.
Песнь 6
Ирмос: Обыде мя бездна, гроб мне кит бысть, аз же возопих к Тебе Человеколюбцу, и спасе мя десница Твоя, Господи.
Слава, Господи, святому Вознесению Твоему.
Взыграшася апостоли, зряще на высоту днесь Зиждителя вземлема, упованием Духа, и страхом зовяху: слава восходу Твоему.
Слава, Господи, святому Вознесению Твоему.
Предсташа Ангели, вопиюще Христе учеником Твоим: имже образом видесте Христа восходяща с плотию, паки приидет Праведный всех Судия.
Слава: Яко видеша Тя Спасе наш небесныя силы, на высоту вземлема с телом, взываху, глаголюще: велико Владыко, человеколюбие Твое.
И ныне: Купину Тя неопалимую, и гору, и лествицу одушевленную, и дверь небесную достойно славим, Марие славная, православных похвало.
Господи, помилуй. (Трижды.)
Слава и ныне.
Кондак, глас 6-й
Еже о нас исполнив смотрение, и яже на земли соединив небесным, вознеслся еси во славе, Христе Боже наш, никакоже отлучаяся, но пребывая неотступный, и вопия любящим Тя: Аз есмь с вами, и никтоже на вы.
Икос
Яже земли на земли оставившии, яже пепельныя персти уступающии, приидите воспрянем, и на высоту возведем очи и мысли, вперим виды, вкупе и чувства, на небесная врата, смертнии, непщуим быти в масличней горе, и взирати на Избавляющаго на облацех носима. Отонуду же бо Господь на небеса востече, и тамо даролюбезны дары раздая апостолом Своим, утешив я яко Отец, и утвердих я, наставив яко сынов, и рече к ним: не разлучаюся вас, Аз есмь с вами, и никтоже на вы.
Песнь 7
Ирмос: В пещи огненней песнословцы спасый отроки, благословен Бог отец наших.
Слава, Господи, святому Вознесению Твоему. На облацех света вознесыйся, и спасый мир, благословен Бог отец наших.
Слава, Господи, святому Вознесению Твоему. На рамо Спасе, заблуждшее взем естество, вознесся, Богу и Отцу привел еси.
Слава, Господи, святому Вознесению Твоему. Возшедый во плоти к безплотному Отцу, благословен Бог отец наших.
Слава: Умерщвленное наше грехом естество взем, Твоему свойственному Отцу, Спасе, привел еси.
И ныне: От Девы рождся, Юже Богородицу соделал еси, благословен Бог отец наших.
Песнь 8
Ирмос: Из Отца прежде век рожденнаго Сына, и Бога, и в последняя лета воплощеннаго от Девы Матере, священницы пойте, людие превозносите во вся веки.
Слава, Господи, святому Вознесению Твоему.
Во двою существу возлетевшаго Жизнодавца Христа на небеса со славою, и Отцу соседящаго, священницы пойте, людие превозносите во вся веки (Дважды).
Слава, Господи, святому Вознесению Твоему.
От работы идольския тварь избавившаго, и представившаго ту свободную Твоему Отцу, Тебе, Спасе, поем, и Тебе превозносим во вся веки.
Слава: Своим схождением низложившаго супостата, и Своим возшествием вознесшаго человеки, священницы пойте, людие превозносите во вся веки.
И ныне: Херувимов превысшая явилася еси, Богородице Чистая, во чреве Твоем сими Носимаго носившая: Егоже со безплотными, человецы славословим во вся веки.
Песнь 9
Ирмос: Тя паче ума и словесе Матерь Божию, в лето Безлетнаго неизреченно рождшую, вернии единомудренно величаем.
Слава, Господи, святому Вознесению Твоему. Тебе, Избавителя мира Христа Бога, апостоли видяще Божественно возвышаема, со страхом играюще величаху.
Слава, Господи, святому Вознесению Твоему. Твою обожившуюся плоть зряще, Христе, на высоте Ангели друг ко другу глаголаху: воистинну Сей есть Бог наш.
Слава, Господи, святому Вознесению Твоему. Тебе безплотных чинове, Христе Боже, на облацех вземлема видяще, взываху: славы Царю, врата возмите.
Слава: Тебе сошедшаго даже до последних земли, и человека спасшаго, и восхождением Твоим возвысившего, Сего величаем.
И ныне: Радуйся, Богородице Мати Христа Бога: Егоже родила еси, днесь от земли возносима со апостолы зрящи, возвеличала еси.