День памяти 13 декабря
Тропарь, глас 4
Яко апостолов первозванный и верховнаго сущий брат, Владыце всех, Андрее, молися, мир вселенней даровати и душам нашым велию милость.
Кондак, глас 2
Мужества тезоименитаго богоглагольника и Церкве возследователя верховнаго, Петрова сродника восхвалим: зане якоже древле сему, и ныне нам воззва: приидите, обретохом Желаемаго.
Святой апостол Андрей родился в городе Вифсаиде Палестинской в I веке нашей эры. Братья Андрей и Симон (Петр) были галилейскими рыбаками. Услышав о том, что на реке Иордане появился новый пророк, который проповедует скорый приход Мессии и призывает к покаянию, Андрей отправился к нему и вскоре стал одним из ближайших учеников Иоанна Крестителя. Андрей и Симон рыбачили на Генисаретском озере. Проходивший мимо них по берегу Иисус обратился к братьям со словами: Идите за Мною, и Я сделаю вас ловцами человеков (Мф 4:19).Старшим был Симон, но первым — не только из них двоих, но и из Двенадцати апостолов — встретил Христа именно Андрей, отсюда и его прозвание «Первозванный». И они, оставив сети, последовали за Ним.
Вместе с другими ближайшими учениками Спасителя они были свидетелями Его служения, казни и Воскресения. Для христианской проповеди он был направлен в Вифинию, Фракию, Македонию, Ираклию и Великую Скифию. «Также, Апостол посетил с проповедью Босфорское царство, страну Абасков (Абхазия), страну Аланов (Северный Кавказ), далее он вернулся в низовье Днепра, и поднимаясь вверх по реке, проповедовал живущим здесь славянам и русам».
Апостол Андрей исцелял недужных и даже воскрешал умерших. Однажды он воскресил сорок человек, которые спешили к нему услышать весть о Христе, но погибли во время жестокого шторма. С этим случаем связано почитание апостола как покровителя моряков.
На Киевских холмах Апостол, обращаясь к своим ученикам, сказал: «Верьте мне, что на этих горах воссияет благодать Божия; великий город будет здесь, и Господь воздвигнет там много церквей и просветит святым крещением всю Российскую землю».
Самое древнее свидетельство проповеди апостола Андрея на Русской земле принадлежит святому епископу Ипполиту Портуенскому (Римскому) (+ ок. 222 г.). У Оригена (200–258) в труде, посвященном памяти Апостолов, записано: «Апостолы и ученики Господа и Спасителя нашего, рассеявшись по вселенной, проповедовали Евангелие, а именно: Фома, как сохранилось до нас предание, получил в удел Парфию, Андрей – Скифию, Иоанну досталась Азия…»
«Дорофей (около 307–322), епископ Тирский, пишет: «Андрей, брат Петра, протёк всю Вифинию, всю Фракию и Скифов…». Святитель Софроний (+390) и святитель Епифаний Кипрский (+403) также приводят в своих трудах свидетельства о проповеди апостола Андрея в Скифии. Евхерий Лионский (+449) и Исидор Испалийский (570–636) пишут в своих трудах о деяниях, проповеди и учении святого апостола Андрея: «Он получил в удел Скифию и вместе Ахайю». Последним по времени из церковных историков, описывающих подвиг апостольского труда Апостола в земле Скифов, является Никита Пафлагон (+873), который отмечал: «обняв благовестием все страны севера и всю прибрежную часть Понта в силе слова, мудрости и разума, в силе знамений и чудес, везде поставив для верующих жертвенники (храмы), священников и иерархов (архиереев), он (апостол Андрей)».
О том, что еще в древности славяне и русы приняли крещение, свидетельствует иранский писатель Ибн ал-Фатих ал-Хамазани в «Книге стран» («Китаб ал-Булдан», 903 г.): «у славян – кресты, но хвала Аллаху за ислам».
Нестор Летописец в «Повести временных лет» (далее – ПВЛ) описывает посещение киевских холмо апостолом Андреем и его учениками. Однако, из жизнеописания учеников апостола Андрея Стахия, Амплия, Урвана, Наркисса, Апеллия и Аристовула известно, что они были им направлены на Евангельскую проповедь в другие страны: Стахий – в Византию, Амплий, Урван, Амплий были оставлены управлять местной Церковью в Диосполе Палестинском, Наркисс проповедовал в Афинах и Греции, Апеллий – в Ираклии и Аристовул – в Британии. Значит, они никак не могли быть рядом с апостолом Андреем в его миссионерском путешествии в Великую Скифь-Русь, так как были оставлены управлять своими епархиями. О каких тогда учениках говорит летописец? Утверждаем твёрдо: это русские ученики апостола Андрея. Несомненно, многие из них были рукоположены им в священники и епископы.
В.Н. Татищев (1686–1750) справедливо замечает, что «…они (Апостолы) проповедовали не горам или лесам, но людям и крестили людей, веру принявших». «Несторова погрешность, что он град Горы, не зная, что сарматское слово Киви то же значит, пустыми горами именовал. И как все древние писатели до Христа и вскоре после Христа, Геродот, Страбон, Плиний и Птоломей многие города по Днепру кладут, то видно, что Киев или Горы град до Христа был населён, как то и Птоломей на восточной стране град Азагориум, или Загорие, близ Киева указывает, а сей от того именован, что он за градом Горы стал… да греки и латины, не зная языка славянского и не разобрав неискусные сказания, горы град пропустил».
Первозванный Апостол прошел с учениками вверх по Днепру, пришел к киевским горам, далее дошел до озера Ильмень, поднялся к Ладожскому озеру, по Варяжскому (Балтийское) морю приплыл к южному побережью Вагрии, где проповедовал западным славянам, наконец, пришел в Рим, и «исповеда, елико научи и елико виде…». Насколько важна эта примечательная строка: сказано кратко, но на удивление ёмко о великих трудах апостола Андрея Первозванного, понесённых им и его русскими учениками.
Апостол Андрей не раз подвергался преследованиям от язычников и городских властей. Последним местом, где звучала его проповедь, стал греческий город Патры. Правитель города, видя, как много людей обращается к новой вере, приказал распять Андрея на кресте в виде буквы Х. Два дня апостол с креста проповедовал Евангелие. Исцеленная апостолом жена правителя с честью погребла его тело.
При восточноримском императоре Констанции II мощи святого апостола Андрея были торжественно перенесены из Патр в Константинополь и положены 3 марта 357 г. в храме Святых Апостолов рядом с мощами святого евангелиста Луки и ученика апостола Павла Тимофея.
По легенде, в VIII веке частицы мощей апостола Андрея были перевезены в Шотландию монахом Регулусом и помещены в кафедральный собор Сент-Эндрюса, города, который получил свое имя в честь апостола и стал церковной столицей Шотландского королевства. Согласно другому преданию, частицы мощей были перевезены крестоносцами в 1208 г. в итальянский город Амальфи.
После падения в 1453 году Константинополя младший брат императора Константина IX Палеолога Фома Палеолог бежал вместе с женой и детьми в Италию, захватив с собой забальзамированную голову святого апостола Андрея, и в марте 1461 г. был с почестями принят в Риме. Через неделю Папа, которому Фома преподнес эту святейшую реликвию, наградил его орденом Золотой розы. В 1964 г. Папа Павел VI передал реликвию православному собору Св. Андрея Первозванного в городе Патры.
Молитва.
Первозванне апостоле Бога и Спаса нашего Иисуса Христа, Церкве последователю верховный, всехвальне Андрее!
Славим и величаем апостольския труды твоя, сладце поминаем твое благословенное к нам пришествие, ублажаем честная страдания твоя, яже за Христа претерпел еси, лобызаем священныя мощи твоя, чтим святую память твою и веруем, яко жив Господь, жива же и душа твоя, и с ним во веки на небеси пребываеши, идеже и нас любовию твоею не оставляеши, якоже возлюбил еси отцы наша, егда Духом Святым прозрел еси земли нашея ко Христу обращение. Веруем же, яко и молиши о нас Бога, зря во свете Его вся нужды наша.
Тако сию веру нашу во храме твоем исповедуем, и Господа и Бога и Спаса нашего Иисуса Христа молим, да молитвами твоими подаст нам вся потребная ко спасению нас грешных: да якоже ты абие ко гласу Господа, оставль мрежи твоя, неуклонно Тому последовал еси, сице и кийждо от нас не своих сих да ищет, но еже к созиданию ближняго, и о горнем звании да помышляет. Имуще же тя предстателя и молитвенника о нас, уповаем, яко молитва твоя много может пред Господем и Спасителем нашим Иисусом Христом, Емуже подобает всякая слава, честь и поклонение со Отцем и Святым Духом во веки веков. Аминь.
АКАФИСТ СВЯТОМУ АПОСТОЛУ АНДРЕЮ ПЕРВОЗВАННОМУ
Кондак 1
Первозваннаго апостола Христова, Евангелия Святаго проповедника, Российския страны богодухновеннаго просветителя, Андрея преславнаго, песньми восхвалим, стояще на версе холма, идеже Крест водрузи десница его, и ему, яко Церкве возследователю верховному, вслед себе указавшему ей путь ко Христу, во умилении воззовем:
Радуйся, Андрее, апостоле Христов Первозванный.
Икос1
Ангел благовестник Агнца Христа, вземлющаго грехи мира, был еси Андрее апостоле, и с Ним во веки пребываеши на Небеси; отонудуже и призри на пения, приносимая тебе во храме твоем, на месте, идеже стоясте нозе твои, и, яко богат сый благодатию Божиею, подаждь нам слово благо, да зовем ти:
Радуйся, деннице от града Вифсаиды нам возсиявшая;
радуйся, равночестный брате верховнаго Петра.
Радуйся, учениче великаго Предтечи Христова;
радуйся, первее прочих апостол званный ко апостольскому служению от Самаго Господа.
Радуйся, яко и другим с радостию воззвал еси: «Приидите, обретохом желаемаго Мессию»;
радуйся, и нас к Нему же приводяй.
Радуйся, Андрее, апостоле Христов Первозванный.
Кондак 2
«Учителю, где живеши?» — вопросил еси, Андрее, Спаса душ наших и, с Ним пребыв день един, возлюбил еси на вся дни живота твоего обретеннаго тобою Мессию, и брата твоего старейшаго привел еси к Нему. Темже и нас, яко меньшую братию твою, к Нему же не престай влещи, да и мы, последующе стопам твоим, вопием Богу: Аллилуиа.
Икос 2
Провидя в тебе, святый Андрее, веры и любве пламень, Господь паки тя обрете на езере Геннисаретсте, яко рыбаря, купно с братом твоим, вметающа мрежи во глубину, и рече вама: «Грядита по Мне, и Аз сотворю вы ловца человеком». Ты же абие последовал еси Ему и богодухновенным словом, яко мрежею, человеки уловил еси Христу, с нимиже и мы, уловленнии тобою во спасение, вещаем ти:
Радуйся, яко от Самаго Господа ловитве духовней научился еси;
радуйся, яко на том же езере с прочими апостолы обуреваем быв, верою спаслся еси в Господа, запрещающаго ветром и морю.
Радуйся, стяжавый велию веру, егда видел еси пречудное насыщение пяти тысящ пятию хлебами;
радуйся, дар приявый от Господа целити всяк недуг и всяку болезнь.
Радуйся, яко глас с небесе слышан бысть еллином, Христа тобою узревшим;
радуйся, яко на горе Елеонстей откровена быша и тебе грядущая при кончине мира.
Радуйся, Андрее, апостоле Христов Первозванный.
Кондак 3
Странствия Владычня и Безсмертныя Трапезы на Горнем месте Сиона насладився, яко верный друг Христов, вкупе с прочими апостолы узрел еси Господа и Бога твоего, от Негоже и Дух Свят приял еси, во еже вязати и решити грехи людския. И паки, в тойжде горнице Сионстей, обильное бысть на тя излияние обетованнаго Духа во огненных языцех. Темже вся племена удивишася, како языком их глаголал еси величия Божия, поя: Аллилуиа.
Икос 3
От Господа заповедь приим проповедати Евангелие всей твари, обтекл еси многия грады и страны, апостоле Андрее, призывая люди к познанию Истиннаго Бога и крестя их во имя Отца и Сына и Святаго Духа; с нимиже и мы сподобихомся благодати Крещения. Сего ради благодарственная восписуем ти:
Радуйся, чудес Христовых провозвестниче верный;
радуйся, Святаго Евангелия проповедниче громогласный.
Радуйся, идольскаго служения потребителю;
радуйся, истиннаго благочестия насадителю.
Радуйся, яко по слову твоему людие водою и Духом возрождаются;
радуйся, яко тобою вернии Безсмертныя Трапезы причащаются.
Радуйся, Андрее, апостоле Христов Первозванный.
Кондак 4
Сила Божия осени тя, апостоле Первозванный, во еже благовестити силу и славу Сына Божия и утверждати вся веровати во Святую Троицу призванныя. Темже убо и нас, покланяющихся Единому в Триех Ипостасех Богу, на злачней пажити веры Христовы соблюди, да благодатию Святаго Духа выну освящаемии, велегласно поем ему: Аллилуиа.
Икос 4
Привед ко Христу брата твоего Симона Петра, Первозванне, с ним изшел еси и на апостольское служение твое, первее во Антиохию и Синоп, и тамо победив демонов полки, от уз темничных спутника твоего апостола Матфия свободил еси, и юзники с ним бывшия крестил, верховному Петру оттуду в западныя страны текущу, ты братнее целование дал еси ему, сам же добре подвизался еси на востоцех. Темже и мы, людие Церкве Восточныя, блажим тя:
Радуйся, сило Божия, полки демонов прогоняющая и узы темниц сокрушающая;
радуйся, приятелище благодати апостольския, от адовых уз тайнодейственне нас свобождающия.
Радуйся, запад и восток с братом твоим богомудрым, проповеди ради слова Божия, жребием разделивый;
радуйся, во граде Синопе неверие иудеев силою чудес твоих обличивый.
Радуйся, яко тамо от безбожных Христа ради биен был еси;
радуйся, яко от Самаго явльшагося ти Господа исцеление язв тебе даровася.
Радуйся, Андрее, апостоле Христов Первозванный.
Кондак 5
Двукраты возвращся во святый град, да купно со апостолы пятидесятый день празднуеши тамо, двукраты паки шествовал еси от святаго Сиона, во еже Христа проповедати вселенней, первее со Иоанном наперсником Господним, посем же с Симоном Кананитом и Матфием, иже жребием назнаменован бысть во апостола, и вся пределы Асии и Понта обтекл еси, словом спасения всех оглашая, да Богу поют: Аллилуиа.
Икос 5
От моря Галилейскаго до Понта Евксинскаго апостольския мрежи твоя распрострый и все поморие окрест огласивый благовестием твоим, востекл еси, Первозванне, и в страны Скифии, Крест Христов всюду водружая в знамение нашего спасения. Сего ради и мы, аще и позднии роди, внемлюще благовестию твоему и воспоминающе подвиги твоя, зовем ти:
Радуйся, в Никеи лютыя разбойники укротивый и лютейшаго дракона умертвивый;
радуйся, Крест Христов посреде града сего водрузивый, яко Предтеча сый двукраты собранных тамо отец богоносных.
Радуйся, яко во Асии и Понте тобою свет Христов возсия;
радуйся, яко апостольский жезл твой предгорие Кавказа свету Христову отверзе.
Радуйся, имже мрак киммерийский озарися;
радуйся, имже вселенная струями воды живы напоися.
Радуйся, Андрее, апостоле Христов Первозванный.
Кондак 6
Бурею страстей одержимая и, яко воды океана, волнуемая, племена человеков, яже не ведяху Бога Истиннаго, привел еси, апостоле, к тихому пристанищу Христову и тех сердца, аки утлую ладию, неверием обуреваемая, на якори веры православныя утвердил еси. Темже и мы, яко чада православныя веры, благодарным сердцем и благодарными усты вопием Богу: Аллилуиа.
Икос 6
На горе Елеонстей Божественнаго Учителя твоего иногда со прочими апостолы вопросил еси, Андрее: «Рцы нам, что есть знамение пришествия Твоего?» На горах же Киевских, яко орган сый благодати Духа Святаго, ты предвозвестил еси грядущую славу места сего; мы же, предреченныя нам милости сея сподобльшеся, умиленно взываем ти:
Радуйся, яко с горы Сиона закон нам евангельский принесл еси;
радуйся, яко по водам Ворисфена апостол Божий к нам востекл еси.
Радуйся, благодать Иорданову, Крещения нашего ради, реце сей даровавый;
радуйся, на горах Киевских Крест нашего спасения водрузивый.
Радуйся, имже обильное излияние благодати Божией зде предречеся;
радуйся, имже бытие града велика и церквей многих зде предвозвестися.
Радуйся, Андрее, апостоле Христов Первозванный.
Кондак 7
Днесь, во исполнение пророческаго гласа твоего, храм преславный красуется на месте, идеже не сущая яко сущая провидел еси по дару Духа Святаго; окрест же его град велий с церквами златоверхими истину словес твоих свидетельствует, емуже и доныне ты, яко с горния кафедры, мир благовествуеши. Темже и мы, сбытие богодухновенных глагол твоих зряще, велиим гласом взываем Богу: Аллилуиа.
Икос 7
От светоносныя зари, Первозваннаго апостола, свет боговедения восприимши, святая Ольга возсия Российстей земли, яко денница нашего спасения, возводя вслед себе, яко светозарное светило, внука своего Владимира, просветителя всея полунощныя страны. Темже и мы, возведше очи наша к тебе, Андрее богомудре, яко к начальному благовестнику нашего спасения, восписуем ти похвальная сия:
Радуйся, яко деннице нашего спасения, Ольге святей, света Божественнаго познание даровася;
радуйся, яко благоверию ея Христово Царствие отверзеся.
Радуйся, яко благословением твоим преславное светило от сея денницы нам произыде;
радуйся, яко по твоему предвозвестию апостольскому равноапостольный князь нам явися.
Радуйся, яко тобою святаго Владимира царствие земное к Небесному приобщися;
радуйся, яко Днепр и Почайна, реки киевския, спасительною купелию нам быша.
Радуйся, Андрее, апостоле Христов Первозванный.
Кондак 8
Проповедуют преславнаго града Киева и всея Российския страны пастырие и пасомии память деяний твоих, богомудре Андрее апостоле; в недрах же пещерных нетленно почивающии угодницы Божии, со Антонием и Феодосием, немолчными усты, яко живи суще, славу твою веком и родом возглашают, тобою бо водруженный зде Крест, яко благосеннолиственное древо, произрасте, во еже изнести нам плоды благочестия и святыни. Мы же райскаго вертограда твоего, аки птенцы духовнии, тобою научени есмы воспевати Богу: Аллилуиа.
Икос 8
Не точию Руси единыя был еси спасения провозвестник, Первозванный апостоле Христов, но и вся словенская племена, якоже кокош, птенцы своя под криле собираяй, привел еси я ко Христу; ты бо от Херсониса во мрак полунощныя страны прозирая, сущим тамо людем, да Божию научатся слову, премудрыя учители, Кирилла и Мефодия, проповедию твоею за многия веки предуготовал еси; мы же, аки устами сих просветителей наших, велегласно вопием ти:
Радуйся, словенская племена искони благословивый;
радуйся, слово их разумное словом Божиим умудривый.
Радуйся, яко глаголу Божию послушливии, Церкве чада словесная быша;
радуйся, яко в Херсонисе, идеже проповедал еси, первая росская писмена Кирилл святый обрете и прият я.
Радуйся, яко теми Алфу и Омегу, начаток и конец — Христа Божию премудрость возвестил еси им;
радуйся, яко и вся богодухновенная писания учителие сии на язык словенск нам преложиша.
Радуйся, Андрее, апостоле Христов Первозванный.
Кондак 9
Пустынныя Скифии не убоявся, во глубину полунощныя страны простерл еси апостольская странствия твоя, Первозванне, отонудуже и в ветхий Рим пришел еси, иже тогда глава миру языческому бысть; обаче тьмы ради идольския оставль его, и на красный брег Воспора пришед, тамо во граде Византии, иже новый Рим и матерь христианом бысть, апостольский престол твой утвердил еси, да от него Восток и Север весь светом веры озарится, вернии же чада Церкве Христовы Богу единомысленно воззовут: Аллилуиа.
Икос 9
«Мати Сион»,— псаломски речет человек, яко человек духовно родися в нем, новый же Сион нам бысть Киев: в нем бо свет и благодать Божия явися всем сыновом российстим от кафедры, юже ты, Первозванне апостоле, в Византии утвердил еси. Темже и мы, Невечерним Светом озаряемии, благодарно взываем ти:
Радуйся, от горы Сионския снизшедый и горним светом Киев многохолмный озаривый;
радуйся, граду сему многоплодие духовное благословением твоим низпославый.
Радуйся, яко посреде вселенныя апостольский престол твой утвердил еси;
радуйся, яко под сень его (в новом Риме) вся просвещенныя тобою языки собрал еси.
Радуйся, имже православие в душах их утверждается;
радуйся, имже от Востока тьма Запада отревается.
Радуйся, Андрее, апостоле Христов Первозванный.
Кондак 10
Егда наста время преставления твоего, блаженне апостоле, в древния Патры Ахайския пришел еси, да тамо жрен будеши, течение бо скончал еси, подвигом добрым подвизался еси, всем проповедав Христа распята, иудеем соблазн, еллином же безумие, нам же, званным и спасаемым,— Христа, Божию Силу и Божию Премудрость, от Неяже и научихомся пети Богу: Аллилуиа.
Икос 10
Всюду Именем Господа Иисуса болящия исцеляя, мертвыя воскрешая, бесы изгоняя, и во Патрах предсмертную проповедь твою чудесами утвердил еси, апостоле Христов, и анфипата Лезвия обратил еси к познанию истины, егда противления ради язвою поражен быв, тобою от одра болезни воздвижен бысть; людие же вси, видевше в тебе силу Божию, идолы своя сокрушиша, посем и Господь явися тебе, якоже Павлу иногда в Коринфе, и повеле взяти крест твой, назнаменовав сим твое в Патрах, Его ради, страдание. Темже и мы, дивящеся велией благодати в тебе, благоговейно взываем:
Радуйся, велия Бога всемогущаго сило;
радуйся, многоценное чудес сокровище.
Радуйся, древних Патр просвещение и украшение;
радуйся, неверие анфипата в веру пременивый.
Радуйся, яко тамо паки явися тебе Господь, на подвиг крестный тя призвавый;
радуйся, яко уготовася тебе венец правды.
Радуйся, Андрее, апостоле Христов Первозванный.
Кондак 11
Нерон кесарь, якоже иногда Ирод, гонение на вся верныя воздвигнувый, в Риме Павла мечем усекну, Петра же на кресте распя, подобне и тебе достиже в Патрах рука мучителева, егда вместо кроткаго Лезвия судию постави Егеата лютаго, иже не терпяй крещения брата своего, ниже исцелением жены своея умягчен быв, в темницу вверже тя и, якоже верховнаго Петра, на крест осуди. Ты же юзник сый, в темнице мрачней, яко во светлом храме, брата анфипатова Стратоклиса во епископа Патром проручествовал еси, Богу со всеми верными посреде узилища воспевая: Аллилуиа.
Икос 11
На месте лобнем крест воздвизаем узрев, на немже имел еси распят быти, не убоялся еси, апостоле, даже до смерти свидетельствовати возлюбльшаго тя и возлюбленнаго тобою Христа, и к сему знамению спасения руце простирая, умиленно взывал еси:
Радуйся, Кресте Всечестный, пред нимже с веселием предстою, ведая тя, упование мое;
радуйся, Кресте Животворящий, егоже глава до Небес достиже, подножие же врата ада сокруши.
Радуйся, Кресте достопокланяемый, восприемый Владыку моего, яко гроздие сладчайшее, источившее нам спасение;
радуйся, Кресте благословенный, разбойника спасый и тому плоды исповедания даровавый.
Радуйся, яко и моея радости исполнение был еси;
темже радуйся и ты, страстотерпче, на Кресте веру твою во Христа запечатлевый.
Радуйся, Андрее, апостоле Христов Первозванный.
Кондак 12
«Приидите, свидетелие радости моея! — воззвал еси апостоле к совершителем воли Егеата,— творите волю наю обою, распните мя и, яко агнца, принесите в жертву создавшему мя Творцу». И сия рек, возшел еси на крест, яко на горнюю кафедру, с неяже три дни и три нощи проповедал еси слово Божие окрест стоящим людем, да не боятся смерти, исповедающе Господа Иисуса. Егда же светом Небесным озарися лик твой, ужасеся мучитель и тя со креста взяти повеле; обаче ты, страстотерпче, не восхотел еси от крестных мук разрешитися, до исхода твоего непрестанно Богу вопия: Аллилуиа.
Икос 12
Славяще апостольския подвиги твоя, Андрее Первозванне, ублажаем святую кончину твою, еюже Живоносную Страсть Сына Божия прославил еси, и во умилении сердца взываем ти сице:
Радуйся, друже Христов, с радостию крестная страдания за Него претерпевый;
радуйся, апостоле верный, со креста глаголы Живота Вечнаго людем проповедавый.
Радуйся, яко в час снятия со креста осени тя свет, аки молния с небесе;
радуйся, яко православно исповедающим проповеданнаго тобою Христа Сына Божия обещал еси благодать велию.
Радуйся, Горняго Иерусалима апостольское основание;
радуйся, седяй со апостолы на едином от двоюнадесяте престолов, во еже судити вся колена Израилева.
Радуйся, Андрее, апостоле Христов Первозванный.
Кондак 13
О Первозванный апостоле Христов Андрее, призри на благохваления сия всех чтущих святую память твою, и яко водрузил еси Крестное Древо на горах града Киева, присно осеняй и нас спасительным знамением сим, да, Крестом Господа Бога и Спаса нашего охраняеми, достигнем в меру возраста исполнения Христова и сподобимся с тобою и со всеми святыми, во гласе радования, в безконечныя веки пети Богу, Спасителю нашему: Аллилуиа.
(Этот кондак читается трижды, затем икос 1 и кондак 1)
Икос 1
Ангел благовестник Агнца Христа, вземлющаго грехи мира, был еси Андрее апостоле, и с Ним во веки пребываеши на Небеси; отонудуже и призри на пения, приносимая тебе во храме твоем, на месте, идеже стоясте нозе твои, и, яко богат сый благодатию Божиею, подаждь нам слово благо, да зовем ти:
Радуйся, деннице от града Вифсаиды нам возсиявшая;
радуйся, равночестный брате верховнаго Петра.
Радуйся, учениче великаго Предтечи Христова;
радуйся, первее прочих апостол званный ко апостольскому служению от Самаго Господа.
Радуйся, яко и другим с радостию воззвал еси: «Приидите, обретохом желаемаго Мессию»;
радуйся, и нас к Нему же приводяй.
Радуйся, Андрее, апостоле Христов Первозванный.
Кондак 1
Первозваннаго апостола Христова, Евангелия Святаго проповедника, Российския страны богодухновеннаго просветителя, Андрея преславнаго, песньми восхвалим, стояще на версе холма, идеже Крест водрузи десница его, и ему, яко Церкве возследователю верховному, вслед себе указавшему ей путь ко Христу, во умилении воззовем:
Радуйся, Андрее, апостоле Христов Первозванный.