Святитель Спиридон, епископ Тримифунтский

Святитель Спиридон епископ ТримифунтскийДень памяти 25 декабря

Тропарь свт. Спиридону, еп. Тримифунтскому
Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Кондак свт. Спиридону, еп. Тримифунтскому
Любовию Христовою уязвився, священнейший, ум вперив зарею Духа, деятельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Святитель Спиридон, епископ Тримифунтский (Саламинский), чудотворец, родился в конце III века на острове Кипре, где Евангелие Христово было возвещено в I веке святыми апостолами Павлом и Варнавой. С детских лет святой Спиридон пас овец, чистой и богоугодной жизнью подражал ветхозаветным праведникам: Давиду – в кротости, Иакову – в сердечной доброте, Аврааму – в любви к странникам. В зрелом возрасте святой Спиридон стал отцом семейства.

После смерти жены, в царствование императора Константина Великого (324–337) и его сына Констанция (337–361), святой Спиридон был избран епископом города Тримифунта. В его лице паства обрела любвеобильного отца, всей своей жизнью являвшего пример добродетельной жизни и трудолюбия.

Необычайная доброжелательность и душевная отзывчивость привлекли к нему многих: бездомные находили в его доме приют, странники – пищу и отдых. За непрестанную память о Боге и добрые дела Господь наделил святителя благодатными дарами: прозорливости, исцеления неизлечимых больных и изгнания бесов. Святитель исцелил тяжелобольного императора Констанция; разговаривал со своей скончавшейся дочерью Ириной; оживил благодатию Божией умершего ребенка, а затем и его мать, при виде чуда упавшую бездыханно. Известен случай, когда святому Спиридону во время утрени незримо сослужили Ангелы, и после каждой ектении слышалось их пение: «Господи, помилуй». Также на одном из богослужений лампада, в которой уже закончился елей, по молитве святителя наполнилась маслом сама собой…

Угодник Божий всегда стремился защитить благочестивых христиан, попавших в беду. Один из друзей святителя был оклеветан завистниками, заключен в тюрьму и приговорен к смертной казни. Святой поспешил на помощь, но путь ему преградил многоводный поток. Вспомнив, как перешел разлившийся Иордан Иисус Навин, святитель с твердой верой во всемогущество Божие вознес молитву, и поток расступился. Вместе со спутниками, невольными очевидцами чуда, святитель Спиридон перешел посуху на другой берег. Предупрежденный о происшедшем судья встретил святителя с почетом и отпустил невиновного.

Богомудрый архипастырь, желая спасти души своих соотечественников, нередко обличал и человеческие пороки. Провидя тайные грехи людей, святой призывал их к покаянию и исправлению. Тех, кто не внимал голосу совести и словам святого, постигало наказание Божие.

Однажды по какому-то важному делу святитель Спиридон отправился в село Эритра, находившееся в тридцати милях от столицы острова Кипр Константианы. Утомленный летним зноем и дальней дорогой, святой вошел в эритрский храм и попросил местного диакона не затягивать службу. Однако клирик, мечтавший о земной славе, продолжал медленно, напоказ возносить молитвы. Духовными очами богомудрый старец увидел в диаконе пагубную страсть тщеславия и, желая смирить гордеца, грозно воскликнул: «Замолчи, творец ослушания!»

За преслушание Тримифунтскому архипастырю Господь без малейшего промедления лишил голоса диакона, и он издавал лишь невнятные звуки. Пока святитель сам завершал чтение молитвы, молва о Божией каре, постигшей диакона, разнеслась по всему селению и глубоко огорчила его родственников и друзей. Они пришли к святому Спиридону и стали упрашивать чудотворца избавить их провинившегося земляка от недуга, который не позволит ему служить в церкви. В свою очередь, немой клирик припал к ногам владыки и, обливаясь слезами, знаками умолял о прощении.

После отеческого наставления диакону святитель Спиридон молитвенным заступничеством перед Богом смягчил суровое наказание, однако немой не исцелился полностью, чтобы благозвучный голос не подал ему нового повода к преткновению. С тех пор эритрский клирик говорил хриплым голосом, немного заикался, но косноязычие не ослабило, а укрепило в нем веру. Диакон прозрел духом и до конца жизни служил для потомков примером того, как опасно не слушаться святых старцев и превозноситься перед людьми.

Известен случай, когда к святителю Спиридон пришел перекупщик скота и попросил продать сотню коз из его стада. Бесстрастный служитель Христов не торговался с гостем о цене, и купец, поняв, что имеет дело с Божиим человеком, решил воспользоваться его простодушием. Хитрый торговец оставил плату в доме епископа только за 99 коз Святой не стал пересчитывать деньги и отправился вместе с покупателем к стаду. Когда они подошли к загону, прозорливый пастырь сказал: «Входи, чадо, и забери столько коз, за скольких ты расплатился со мной».

Одержимый страстью к наживе, купец отсчитал 100 голов и выпустил стадо за ограду. Все козы последовали за новым хозяином, и лишь одна из них побежала назад. Торговец несколько раз выгонял ее из загона, но коза тотчас возвращалась к законному владельцу. Купец не мог понять, почему животное так поступает. Он разозлился и попытался на плечах унести чужое добро. Однако коза бодала рогами голову покупателя и очень громко блеяла.

Великодушный святитель не захотел открыто обличать своего гостя и тихо сказал обидчику: «Эта неразумная тварь неспроста воспротивилась… Не надо бороться с ней. Лучше поднимись в дом и проверь, сколько денег ты там оставил. Может быть, ты забыл за нее заплатить?»

Торговец понял, что совершенный им бесчестный поступок известен владыке. Он раскаялся, попросил прощения у святителя Спиридона и уже полностью расплатился за стадо. Коза же больше не упиралась и сама спокойно последовала за новым хозяином. Купец был настолько потрясен столь ясным проявлением воли Господней, что с Божией помощью искоренил в себе пагубное стремление к многостяжанию.

Святитель Спиридон был строгим ревнителем Церковного Устава и чрезвычайно заботился о сохранении во всей неприкосновенности Священного Писания. Он строго обличал священников, которые в своих проповедях неточно употребляли слова Евангелия и других Богодухновенных книг.

В 325 году святитель Спиридон участвовал в I Вселенском Соборе в Никее. Осененный Божией благодатию, он обратил в Православие ученого греческого философа, защищавшего ересь Ария: «Един Бог, сотворивший небо и землю, и создавший из земли человека, и устроивший все прочее, видимое и невидимое, Словом Своим и Духом; и мы веруем, что Слово это есть Сын Божий и Бог, Который, умилосердившись над нами, заблудшими, родился от Девы, жил с людьми, пострадал, и умер ради нашего спасения, и воскрес, и с Собою совоскресил весь род человеческий; мы ожидаем, что Он придет судить всех нас праведным судом и каждому воздаст по делам его; веруем, что Он одного Существа со Отцом, равной с Ним власти и чести… так исповедуем мы и не стараемся исследовать эти тайны любопытствующим умом, и ты не осмеливайся исследовать, как все это может быть, ибо тайны эти выше твоего ума и далеко превышают всякое человеческое знание». Философ признал правоту святителя и сказал своим друзьям: «Пока состязание велось посредством доказательств, я своим искусством спорить отражал все, что мне представляли. Но когда вместо доказательств из уст этого старца стала исходить какая-то особенная сила – доказательства против нее бессильны, – Богу человек противиться не может… последуем за этим старцем, устами его говорил Сам Бог».

На Соборе в Никее святитель Спиридон так объяснил арианам исповедуемое православными единство Трех Божественных Ипостасей Святой Троицы: святой взял в руки кирпич и стиснул его – вверх мгновенно метнулся огонь, вода потекла вниз, а глина осталась в руках чудотворца. «Вот три стихии, а кирпич один, – сказал святитель Спиридон, – так и в Пресвятой Троице – Три Лица, а Божество Едино». По некоторым сведениям, святитель Спиридон участвовал и в деяниях Поместного Собора 342–343 годов в городе Сердике (ныне – столица Болгарии, София).

Господь открыл святителю приближение его кончины. Последние слова святого были о любви к Богу и ближним.

мощи Святителя Спиридона епископа ТримифунтскогоОколо 348 года во время молитвы святитель Спиридон преставился ко Господу. Погребли его в храме в честь Святых Апостолов в городе Тримифунте.

Во второй половине VII века мощи святителя были перенесены в Константинополь, а в 1456 году – на остров Корфу в Ионическом море (греческое название острова – Керкира). Здесь, в одноименном городе Керкира (главный город острова), и поныне находятся святые мощи святителя Спиридона в храме, посвященном ему.

Рака с мощами святого украшена золотыми и серебряными изделиями – дарами тех, кому помог праведник. Мощи святителя по сей день сохраняются неповрежденными; даже кожный покров этого угодника Божия сохраняет свою мягкость. Сквозь стекло раки хорошо видно лицо святого. Его черты вполне узнаваемы, прекрасно сохранились волосы и зубы. Тело святого Спиридона имеет постоянную температуру 36,6 градуса, у него растут волосы и ногти.

«Тело св. Спиридона, – говорит один ученый грек, – и доселе составляет для физиологов предмет справедливого удивления: оно мягко и растяжимо и как бы живо… в таком жарком месте, как Корфу; подверженное теплым и сырым испарениям, оно не потерпело ни малейшей перемены. Все это, как оно ни противоречит общим законам физики, несомненно, непререкаемо и основательно дознано».

В православном мире святитель Спиридон почитается как «ходящий» святой. Бывают случаи, когда хранители раки не могут ее открыть – тогда, как говорят керкирские священники, святого в раке просто нет, он ходит по острову. Подтверждением этого чуда является также и то, что одежду, в которую облачен угодник Божий, меняют раз в полгода, потому что она снашивается, будто святой не покоиться в раке, а ходит.

бархатные тапочки Бархатные тапочки (их также называют башмачками или сапожками), одетые на ноги святого, также изнашиваются, и их дважды в год (перед Пасхой и накануне дня памяти святителя) заменяют на новые. Изношенные же тапочки разрезают на части и затем раздают верующим. По свидетельству греческих священнослужителей, во время переобувания чувствуется ответное движение.

Православная Церковь совершает память святителя Спиридона 12/25 декабря. На острове же Корфу (Керкира), кроме этого дня, память святого торжественно празднуют еще четыре раза – в Вербное Воскресенье (Неделю Ваий), Великую (Страстную) Субботу, 11 августа и в первое воскресенье ноября – в благодарность святителю за избавление от голода (в XVI веке), чумы (в 1630 и 1673 годах) и за победу в 1716 году над турками, которым явился святой Спиридон с мечом в руке, тем самым избавив жителей острова от насилия врагов. В эти дни в знак любви и почтения к святителю в Корфу совершаются крестные ходы, так называемые Литании.

Святитель Спиридон Тримифунтский издревле почитается на Руси наравне со святителем Николаем Мирликийским. Святого Спиридона также уподобляют пророку Илии, поскольку по молитве святителя во время засух, часто угрожавших острову Кипр, шел прохладительный дождь. «Солоноворот», или «поворот солнца на лето» (25 декабря по новому стилю), совпадающий с памятью Кипрского архипастыря, называли на Руси «Спиридоновым поворотом». Особым почитанием пользовался святитель Спиридон в древнем Новгороде и Москве. В 1633 году в Москве был воздвигнут храм во имя святителя. В Московском храме Воскресения Словущего на Успенском Вражке ныне находится чтимая икона святителя Спиридона с частицей его святых мощей.

Угоднику Божию молятся при материальных затруднениях, голоде, об обретении жилья, о даровании урожая, об исцелении и облегчении тяжелых болезней, об исправлении заблудших и о духовном совершенстве.

Святитель Спиридон считается заступником вдов и сирот, помощником путешествующих, а также небесным покровителем домашнего скота и крестьянского труда.

Восхваляя богоугодное житие Тримифунтского чудотворца, Святая Церковь так воспевает добродетели святителя Спиридона: «Радуйся, человеколюбивый пастырю, избавляяй от бед словесныя овцы стада твоего», «Радуйся, богоблагодатный человеком помощниче», «Радуйся, источниче, благодатию обильный», «Радуйся, о немже изумляются Ангели».

Спиридон ТримифунтскийО пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуия.

АКАФИСТ
Святителю Спиридону, епископу Тримифунтскому

Конда́к 1.
Препросла́вленный от Го́спода святи́телю и чудотво́рче Спиридо́не! Ны́не всечестну́ю па́мять твою́ пра́зднующе, я́ко мно́го могу́щему споспешествова́ти на́м о просла́вльшем тя́ Христе́, уми́льно вопие́м ти́: изба́ви на́с от вся́ких бе́д и зо́л, да с благодаре́нием зове́м ти́:
Ра́дуйся, Спиридо́не, преди́вный чудотво́рче.

И́кос 1.
От ю́ности украше́нный все́ми доброде́тельми, житие́м свои́м А́нгелом подража́вый, ты́, святи́телю Спиридо́не, вои́стинну показа́лся еси́ дру́г Христо́в; мы́ же, зря́ще тя́, небе́снаго челове́ка и земна́го А́нгела, со благогове́нием уми́льно вопие́м ти́:
Ра́дуйся, у́ме, созерца́яй та́йны Пресвяты́я Тро́ицы; ра́дуйся, обогати́выйся Ду́ха пресве́тлым осия́нием.
Ра́дуйся, свети́льниче многосве́тлый; ра́дуйся, у́м тво́й безстра́стием просвети́вый.
Ра́дуйся, измла́да и́стинную простоту́ и безмо́лвие возлюби́вый; ра́дуйся, украше́ние целому́дрия.
Ра́дуйся, любве́ неистощи́мая струя́; ра́дуйся, я́ко страннолю́бию Авраа́ма подража́л еси́.
Ра́дуйся, я́ко все́м любвеоби́льно вхо́ды до́ма своего́ отверза́л еси́; ра́дуйся, ни́щих предста́телю.
Ра́дуйся, пред ни́мже благогове́ют лю́дие; ра́дуйся, я́ко ты́ еси́ обита́лище Пресвята́го Ду́ха.
Ра́дуйся, Спиридо́не, преди́вный чудотво́рче.

Конда́к 2.
Ви́дяще о́стров Ки́пр и вся́ христиа́нския стра́ны нетле́нныя мо́щи твоя́, святи́телю, от ни́хже истека́ют оби́льная исцеле́ния, возра́довашася; и мы́, почита́юще тя́ я́ко преоби́льнаго исто́чника благода́ти, низпо́сланнаго свы́ше на́м, вопие́м к Верхо́вному Пода́телю Небе́сных и земны́х бла́г: Аллилу́иа.

И́кос 2.
Ра́зум Боже́ственный имы́й, а́ще сы́й па́стырь безслове́сных ове́ц, ты́ произволе́нием Пастыренача́льника Христа́ избра́н бы́л еси́ в па́стыря ове́ц слове́сных. Ве́рнии же, разуме́вше тя́ до́браго па́стыря, неусы́пно о ста́де свое́м пеку́щагося, воспева́ху:
Ра́дуйся, архиере́е Бо́га Вы́шняго, в хирото́нии восприя́вый оби́льно Боже́ственную благода́ть; ра́дуйся, свети́льниче многосве́тлый, горя́й и светя́й.
Ра́дуйся, ве́рный де́лателю в вертогра́де Христо́вом; ра́дуйся, па́стырю, на па́жити ве́ры и благоче́стия па́ству свою́ воспита́вый.
Ра́дуйся, сия́ньми доброде́телей твои́х ми́р просвеща́вый; ра́дуйся, Престо́лу Христо́ву Боже́ственную Же́ртву приноси́вый.
Ра́дуйся, иера́рше, разуме́нием Правосла́вия украше́нный; ра́дуйся, апо́стольскаго уче́ния испо́лненный, ве́рных струя́ми спаси́тельнаго уче́ния напая́яй.
Ра́дуйся, я́ко и му́дрых озари́л еси́; ра́дуйся, я́ко и просты́х сердца́ обнови́л еси́.
Ра́дуйся, сла́во правосла́вных и Це́ркве непоколеби́мое утвержде́ние; ра́дуйся, украше́ние отце́в, сла́во и похвало́ иере́ев благогове́йных.
Ра́дуйся, Спиридо́не, преди́вный чудотво́рче.

Конда́к 3.
Си́лою Вы́шняго, осени́вшею тя́, святи́телю Спиридо́не, богому́др ты́ показа́лся еси́ и, сжа́вши дла́нию гли́ну, тро́ичность Ли́ц все́м очеви́дно уясни́л еси́; те́мже лжему́дрии фило́софи, собра́вшиися на Собо́ре, ужасо́шася, ве́рнии же непостижи́маго просла́виша Бо́га, умудри́вшаго тя́ во спасе́ние, вопию́ще Ему́: Аллилу́иа.

И́кос 3.
Име́юще тя́ в помышле́ниих свои́х вси́ отцы́ Собо́ра про́ста, неиску́сна в кни́жнем уче́нии, моли́ша тя́, о́тче Спиридо́не, не препира́тися словесы́ с вити́ею, мня́щимся му́дру бы́ти. Ты́ же, святи́телю, ре́вностию по Бо́зе распаля́емый, ве́руя, я́ко про́поведь Христо́ва не в препре́тельных му́дрости челове́ческия словесе́х, но в явле́нии ду́ха и си́лы, прему́дре того́ обличи́в, вразуми́л и на пу́ть и́стинный наста́вил еси́. Вси́, ви́девше чу́до сие́, взыва́ху:
Ра́дуйся, све́те правосла́вныя му́дрости; ра́дуйся, я́ко глаго́лемых бы́ти му́дрых совопро́сников посрами́л еси́.
Ра́дуйся, исто́чниче, благода́тию оби́льный; ра́дуйся, непоколеби́мый сто́лпе, тве́рдо содержа́щий су́щих в ве́ре.
Ра́дуйся, омрача́яй всепа́губную е́ресь; ра́дуйся, чрез него́же попра́но бы́сть безу́мие.
Ра́дуйся, я́ко пе́рсть земна́я пропове́да твои́ма рука́ма Святу́ю Тро́ицу; ра́дуйся, я́ко из гли́ны изве́л еси́ о́гнь и во́ду во утвержде́ние догма́та Святы́я Тро́ицы.
Ра́дуйся, я́ко просвети́л еси́ лю́ди сла́вити Сло́во, вои́стинну Единосу́щное Пребезнача́льному Отцу́; ра́дуйся, я́ко зми́еву главу́ па́губныя а́риевы е́реси порази́л еси́.
Ра́дуйся, я́ко тобо́ю поже́рта бы́сть зло́ба; ра́дуйся, неве́рнаго мудреца́ совопро́сника к и́стинней ве́ре обрати́вый.
Ра́дуйся, Спиридо́не, преди́вный чудотво́рче.

Конда́к 4.
Жи́знь проводя́ в убо́жестве и нищете́, ни́щим и бе́дным бы́л еси́ пита́тель и помо́щник и, любве́ ра́ди к ни́щим, зми́я в зла́то преложи́л еси́ и да́л еси́ о́ное тре́бующему твоея́ по́мощи. Дивя́щеся о чудеси́ се́м, благода́рственно вопие́м к Бо́гу: Аллилу́иа.

И́кос 4.
Слы́шано бы́сть все́м и всю́ду, я́ко святи́тель Спиридо́н вои́стинну е́сть жили́ще Святы́я Тро́ицы: всели́ся бо в не́м Бо́г Оте́ц, Бо́г Сло́во и Бо́г Ду́х Святы́й. Сего́ ра́ди ты́ словесы́ и дея́ньми пропове́дал еси́ все́м христиа́ном воплоще́ннаго и́стиннаго Бо́га, вопию́щим:
Ра́дуйся, слове́с Бо́жиих таи́нниче; ра́дуйся, домострои́тельство Бо́жие о спасе́нии ми́ра уясни́вый.
Ра́дуйся, я́ко научи́л еси́ не испы́товати е́же е́сть превы́ше ра́зума и му́дрости челове́ческия; ра́дуйся, непостижи́мую де́йствующую в тебе́ си́лу Бо́жию яви́вый.
Ра́дуйся, я́ко уста́ми твои́ми провеща́ Са́м Бо́г; ра́дуйся, я́ко вси́ послу́шаху тебе́ в сла́дость.
Ра́дуйся, мглу́ идолослуже́ния разгна́вый; ра́дуйся, я́ко мно́гих к и́стинней ве́ре приве́л еси́.
Ра́дуйся, я́ко главы́ неви́димых зми́ев порази́л еси́; ра́дуйся, я́ко тобо́ю прославля́ется ве́ра христиа́нская.
Ра́дуйся, я́ко све́тло озаря́еши все́х ублажа́ющих тя́; ра́дуйся, побо́рниче христиа́нския ве́ры и Правосла́вия.
Ра́дуйся, Спиридо́не, преди́вный чудотво́рче.

Конда́к 5.
Боже́ственнаго Ду́ха преиспо́лнен бы́л еси́, святи́телю Спиридо́не, ра́ди доброде́тельнаго жития́ твоего́; зане́ кро́ток, ми́лостив, чи́ст се́рдцем, терпели́в, непамятозло́бив, страннолю́бец бы́л еси́: сего́ ра́ди Творе́ц и в чудесе́х пресла́вна показа́ тя́. Мы́ же, прославля́я Бо́га, просла́вльшаго тя́, вопие́м Ему́: Аллилу́иа.

И́кос 5.
Равноа́нгельна Спиридо́на зри́м, вели́каго чудотво́рца. Не́когда страна́ от бездо́ждия и за́сухи вельми́ пострада́: бы́сть гла́д и я́зва, и мно́гое мно́жество люде́й умро́ша, моли́твами же святи́теля сни́де с небесе́ на зе́млю до́ждь; лю́дие же, изба́вльшеся от бе́дствия, благода́рственно взыва́ху:
Ра́дуйся, вели́кому проро́ку Илии́ уподо́бивыйся; ра́дуйся, я́ко до́ждь, отъе́млющий гла́д и неду́ги, благовре́менне низве́л еси́.
Ра́дуйся, па́ки моли́твами свои́ми не́бо заключи́вый; ра́дуйся, я́ко немилосе́рдаго купца́ лише́нием име́ния наказа́л еси́.
Ра́дуйся, я́ко тре́бующим пи́щу оби́льно дарова́л еси́; ра́дуйся, я́ко любоблагоутро́бие Бо́га к лю́дем подвиза́еши.
Ра́дуйся, взе́мляй не́мощи немощны́х; ра́дуйся, богоблагода́тный челове́ком помо́щниче.
Ра́дуйся, боля́щим здра́вие подава́яй; ра́дуйся, его́же трепе́щут де́мони.
Ра́дуйся, безчи́сленных чуде́с исто́чниче.
Ра́дуйся, Спиридо́не, преди́вный чудотво́рче.

Конда́к 6.
Заве́са ветхозаве́тной ски́нии закрыва́ше во Свята́я Святы́х ковче́г, ма́нну и скрижа́ли. И хра́м тво́й, святи́телю Спиридо́не, име́ет ра́ку твою́, я́ко ковче́г, святы́я мо́щи твоя́, я́ко ма́нну, се́рдце твое́, я́ко скрижа́ли Боже́ственныя благода́ти, на ни́хже зри́м начерта́нную пе́снь: Аллилу́иа.

И́кос 6.
Наро́д Ки́пра не́когда за умноже́ние беззако́ний наказа́ Госпо́дь безпло́дием земли́, егда́ же прии́де к свято́му Спиридо́ну зна́емый земледе́лец, прося́ по́мощи, даде́ ему́ святы́й зла́то; мину́вшу же бе́дствию, земледе́лец о́ный возврати́ па́ки зла́то. И — о чудесе́! — зла́то зми́й бы́сть. Прославля́юще Бо́га, ди́внаго во святы́х Свои́х, вопие́м:
Ра́дуйся, я́ко Моисе́ю, чуде́сно преложи́вшему же́зл в зми́я, подража́л еси́; ра́дуйся, человеколюби́вый па́стырю, избавля́яй от бе́д слове́сныя о́вцы ста́да своего́.
Ра́дуйся, оби́льно все́х все́ми бла́гами обогаща́яй; ра́дуйся, я́ко Илия́, бе́дных пита́вый.
Ра́дуйся, немилосе́рдых к милосе́рдию обраща́яй; ра́дуйся, достоподража́емый приме́р любве́ для челове́ков, в ми́ре живу́щих.
Ра́дуйся, ве́рных и неве́рных в беда́х утеше́ние; ра́дуйся, дре́во сенноли́ственное, гра́д и страну́ осеня́ющее.
Ра́дуйся, сла́во и похвало́ керки́рян; ра́дуйся, над вла́гою и су́шею, зно́ем и хла́дом благода́тию Бо́жиею влады́чествуяй.
Ра́дуйся, уста́вы земли́ моли́твою пременя́яй; ра́дуйся, бу́дущая, я́ко настоя́щая, прови́девый.
Ра́дуйся, Спиридо́не, преди́вный чудотво́рче.

Конда́к 7.
Хода́тай пред Го́сподем за все́х яви́лся еси́, святи́телю Спиридо́не: сего́ ра́ди и мы́ прибега́ем под кро́в тво́й, и́щуще спасе́ния, вси́ бо помо́щника тебе́ и́мамы во все́х ну́ждах, во вре́мя гла́да, смертоно́сныя я́звы и во вся́ годи́ны бе́д и искуше́ний. Сего́ ра́ди благода́рственно вопие́м Бо́гу: Аллилу́иа.

И́кос 7.
Но́вое чу́до ви́дим и боголе́пное: егда́ ты́, о́тче, ше́ствовал изба́вити непови́нно осужде́ннаго на сме́рть, бу́рный пото́к прегради́ пу́ть тебе́; ты́ же и́менем Всемогу́щаго Бо́га повеле́л ему́ ста́ти и преше́л еси́ со спу́тники чрез реку́, я́ко по су́ху. Сла́ва о се́м чудеси́ распространи́ся всю́ду, и вси́ просла́виша Бо́га, вопию́ще к тебе́:
Ра́дуйся, я́ко иногда́ Иису́с Нави́н чрез Иорда́н реку́ по су́ху преше́дый; ра́дуйся, ре́чная устремле́ния гла́сом свои́м укроти́вый.
Ра́дуйся, я́ко тру́дный пу́ть предприя́л еси́, дви́жимый милосе́рдием; ра́дуйся, я́ко клевету́ разруши́л еси́ и непови́ннаго от у́з темни́цы и напра́сныя сме́рти изба́вил еси́.
Ра́дуйся, жи́зни по Бо́зе благи́й поспе́шниче; ра́дуйся, непови́нно угнете́нных защи́тителю.
Ра́дуйся, уста́вов естества́ во́днаго премени́телю; ра́дуйся, я́ко судию́ вразуми́л еси́ и от уби́йства спа́сл еси́.
Ра́дуйся, и́стинное исправле́ние ду́ш; ра́дуйся, ди́вная си́ло, пото́ки удержава́ющая.
Ра́дуйся, услажда́ющий сердца́ челове́ков, к тебе́ притека́ющих; ра́дуйся, человеколю́бию Авраа́ма подража́телю.
Ра́дуйся, Спиридо́не, преди́вный чудотво́рче.

Конда́к 8.
Стра́нник и пришле́ц бы́л еси́ на земли́, я́коже и про́чии челове́цы. Оба́че из чре́ва ма́тере Всеве́дущий вели́каго уго́дника и чудотво́рца показа́ тя́, святи́телю Спиридо́не: бе́сы бо изгоня́еши, вся́кую боле́знь и я́зву исцеля́еши, помышле́ния люде́й зри́ши, те́мже и ди́вен во святы́х показа́лся еси́. Мы́ же, возсыла́юще моли́тву ко Благода́телю все́х Бо́гу, вопие́м Ему́: Аллилу́иа.

И́кос 8.
Ве́сь ми́р у́жасом мно́гим содрогну́ся, егда́ услы́ша, я́ко сме́рть, по гла́су твоему́, возвраща́ет из гробо́в мертвецы́ своя́, и возопи́:
Ра́дуйся, уме́ршую дще́рь свою́, да яви́т вруче́нное е́й сокро́вище, к жи́зни воззва́вый; ра́дуйся, ско́рбную вдови́цу, на сохране́ние зла́то вда́вшую, уте́шивый.
Ра́дуйся, уме́ршее отроча́ из ме́ртвых воскреси́вый; ра́дуйся, я́ко ма́терь его́, внеза́пно от ра́дости уме́ршую, оживи́вый.
Ра́дуйся, я́ко уподо́бился еси́ Илии́, моли́твами сы́ну саре́птския жены́ жи́знь возврати́вшему; ра́дуйся, я́ко и Елиссе́ю, возбуди́вшему от сме́рти отроча́, подража́л еси́.
Ра́дуйся, па́стырю, преи́скренне лю́бящий челове́ки; ра́дуйся, жене́ блудни́це, слеза́ми но́зе твои́ омы́вшей, грехи́ и́менем Бо́га отпусти́вый.
Ра́дуйся, святу́ю ре́вность верхо́внаго апо́стола стяжа́вый; ра́дуйся, я́ко нераска́янная гре́шница, по глаго́лу твоему́, в тя́жких боле́знех у́мре.
Ра́дуйся, земли́ плодоно́сие моли́твами твои́ми испроси́вый; ра́дуйся, непрело́жное воскресе́ния челове́ков увере́ние.
Ра́дуйся, Спиридо́не, преди́вный чудотво́рче.

Конда́к 9.
Ду́ха Боже́ственнаго осия́ньми озаре́н бы́л еси́, святи́телю Спиридо́не, име́л бо еси́ ду́ха прему́дрости, я́ко му́дрыми словесы́ безу́мных обуи́л еси́ и посреде́ отце́в ве́ру утверди́л еси́; ду́ха ра́зума, я́ко умы́ омраче́нныя озари́л еси́; ду́ха стра́ха Бо́жия, я́ко вы́ну де́лании богоуго́дными ду́шу очи́стил еси́. Те́мже, предста́в Престо́лу Вы́шняго, с со́нмом А́нгелов воспева́еши Ему́: Аллилу́иа.

И́кос 9.
Же́зл па́стыря слове́сных ове́ц от Пастыренача́льника Го́спода Иису́са прие́мый, святы́й Спиридо́н не премени́ жития́ своего́: нестяжа́телен, кро́ток, любве́ ра́ди вся́ терпя́й, не постыде́ся пещи́ся и о ста́де безслове́сных ове́ц. Вся́ сия́ возбужда́ют на́с сла́вити Бо́га и взыва́ти тебе́:
Ра́дуйся, сла́ву ми́ра сего́ я́ко су́етную презре́вый; ра́дуйся, мзду́ мно́гу на Небесе́х стяжа́вый.
Ра́дуйся, кра́сная ми́ра сего́ в уме́ты вмени́вый; ра́дуйся, сосу́де Небе́сных бла́г.
Ра́дуйся, святе́йшая па́жите киприо́тов; ра́дуйся, я́ко тебе́ ра́ди Бо́г хи́щников ове́ц твои́х неви́димыми у́зами связа́.
Ра́дуйся, та́тем оте́ческое вразумле́ние препода́вый; ра́дуйся, по милосе́рдию твоему́ за проведе́нную без сна́ но́щь овна́ и́м дарова́вый.
Ра́дуйся, непослуша́нием ко́злища, я́ко бы ра́зум иму́щаго, купца́, утаи́вшаго це́ну его́, обличи́вый; ра́дуйся, утаи́вшаго сре́бреники твоя́ к покая́нию приведы́й.
Ра́дуйся, я́ко стра́сти корыстолю́бия увеща́нием свои́м исцели́л еси́ его́.
Ра́дуйся, Спиридо́не, преди́вный чудотво́рче.

Конда́к 10.
Спаса́яй ду́ши па́ствы, Бо́гом тебе́ вве́ренныя, ты́, святи́телю Спиридо́не, произволе́нием Бо́жиим, зва́н бы́л еси́ яви́ти сла́ву твою́, па́че же сла́ву И́стиннаго Бо́га, и в ины́я страны́, да всю́ду сла́вят И́мя Бо́жие, вопию́ще: Аллилу́иа.

И́кос 10.
Ско́рый помо́щник и засту́пник во вся́ких ну́ждах и ско́рбех, святы́й Спиридо́н, по повеле́нию царе́ву, я́коже и про́чии па́стыри, прии́де во гра́д Антиохи́ю, иде́же бе́ одержи́мый боле́знию ца́рь Константи́н; святи́тель главы́ его́ косну́ся и сотвори́ здра́ва. Сему́ чудеси́ дивя́щеся, вопие́м ти́:
Ра́дуйся, его́же в со́нном виде́нии А́нгел, я́ко цели́теля, яви́ царю́; ра́дуйся, Боже́ственныя ра́ди любве́ тру́дный пу́ть в ста́рости восприя́вый.
Ра́дуйся, царе́ву рабу́, уда́рившему тя́ в лани́ту, по за́поведи Спаси́теля, другу́ю подста́вивый; ра́дуйся, сто́лпе смире́ния.
Ра́дуйся, моли́твами свои́ми сле́зно прося́щему царю́ здра́вие дарова́вый; ра́дуйся, я́ко уничиже́нием свои́м раба́ вразуми́л еси́ и неми́лостивый нра́в его́ премени́л еси́.
Ра́дуйся, я́ко благоче́стию и милосе́рдию царя́ научи́л еси́; ра́дуйся, я́ко, ненави́дяй земна́я сокро́вища, зла́то царя́ отве́ргл еси́.
Ра́дуйся, я́ко ученика́ своего́ Трифи́ллиа от пристра́стия к земны́м бла́гам отврати́л еси́ и сосу́дом благода́ти Бо́жия соде́лал еси́; ра́дуйся, я́ко прише́дшу тебе́ в Александри́ю, и́доли падо́ша.
Ра́дуйся, ему́же и бе́си повину́ются; ра́дуйся, я́ко от идолослуже́ния мно́гих отврати́л еси́.
Ра́дуйся, Спиридо́не, преди́вный чудотво́рче.

Конда́к 11.
Пе́ние а́нгельское бы́сть, егда́ во хра́ме приноси́л еси́, святи́телю Спиридо́не, вече́рния моли́твы Твоя́, и не бе́ша сослужа́щии тебе́. Жи́телие же гра́да, ди́вное пе́ние слы́шавше, внидо́ша в хра́м и, никого́же ви́девше, с Го́рними си́лами воспева́ху: Аллилу́иа.

И́кос 11.
Светоза́рное со́лнце ми́рови, собесе́дник А́нгелов бы́л еси́ на земли́, святи́телю Спиридо́не; преда́в же ду́х тво́й в ру́це Бо́жии, пресели́лся еси́ в Го́рняя селе́ния, моля́ся за ми́р пред Престо́лом Влады́ки. Мы́ же, живу́щии на земли́, вопие́м ти́:
Ра́дуйся, я́ко тебе́, еще́ жи́ву су́щу, сослужа́ху А́нгели; ра́дуйся, псалмопе́ние Арха́нгелов слы́шавый.
Ра́дуйся, ви́димый о́бразе на́шего преображе́ния; ра́дуйся, я́ко недоста́вшу еле́ю в хра́ме Бо́г тебе́ ра́ди с избы́тком лампа́ды напо́лни те́м.
Ра́дуйся, лампа́до Боже́ственнаго сия́ния; ра́дуйся, сосу́де благода́ти Бо́жией, оби́льно, подо́бне еле́ю, наполня́ющей ду́шу твою́.
Ра́дуйся, неизсяка́емый исто́чниче, при́сно источа́ющий все́м то́ки благода́ти; ра́дуйся, о не́мже изумля́ются А́нгели.
Ра́дуйся, преслуша́ние диа́кона в хра́ме наказа́вый; ра́дуйся, тщесла́вившагося свои́м гла́сом, и гла́са и язы́ка лиши́вый.
Ра́дуйся, я́ко, во вре́мя зно́я, внеза́пу роса́, снизше́дшая Свы́ше, свяще́нную твою́ главу́ прохлади́; ра́дуйся, в зна́мении се́м бли́зость преставле́ния своего́ прови́девый.
Ра́дуйся, Спиридо́не, преди́вный чудотво́рче.

Конда́к 12.
Покро́в и прибе́жище бы́вый все́м к тебе́ притека́ющим ве́рным еще́ в житии́ твое́м, ты́, святи́телю, не оста́вил еси́ на́с си́рых и по твое́м успе́нии; Бо́г, побежда́ющий естества́ чи́н, сохрани́ святы́я мо́щи твоя́ нетле́нными во укрепле́ние правосла́вныя ве́ры и благоче́стия, в зна́мение безсме́ртия, Его́же прославля́юще, вопие́м: Аллилу́иа.

И́кос 12.
Воспева́ем тя́, святи́телю Бо́жий, я́ко удиви́л еси́ ми́р чудесы́, истека́ющими от святы́х моще́й твои́х. Вси́ бо с ве́рою приходя́щии и лобыза́ющии и́х получа́ют вся́ благопотре́бная проси́мая. И мы́, да́вшаго тебе́ кре́пость, венча́вшаго тя́ венце́м нетле́ния и де́йствующаго тобо́ю Бо́га прославля́юще, вопие́м ти́:
Ра́дуйся, во вре́мя гла́да корабе́льником яви́выйся и пи́щу доста́вити повеле́вый; ра́дуйся, слепы́м, с ве́рою прите́кшим к святы́м моще́м твои́м, зре́ние дарова́вый.
Ра́дуйся, от неисце́льныя боле́зни о́трока исцели́вый; ра́дуйся, бе́са из жены́ изгна́вый и здра́ву ю́ сотвори́вый.
Ра́дуйся, возбра́нный воево́до Керки́ры; ра́дуйся, я́ко по́лчища злочести́вых ага́рян изгна́л еси́ и корабли́ и́х в пучи́не потопи́л еси́.
Ра́дуйся, его́же ви́деша окруже́ннаго со́нмом А́нгелов, в десни́це ме́ч держа́вша и в тре́пет враго́в приве́дша; ра́дуйся, созда́ти себе́ хра́м, во е́же соверша́ти в не́м литурги́ю на пре́сном хле́бе, воево́де возбрани́вый.
Ра́дуйся, воево́ду лати́нскаго лю́тою сме́ртию порази́вый; ра́дуйся, мо́лниею изображе́ние его́ в до́ме в Вене́ции соже́гший.
Ра́дуйся, отсту́пльства и лжемудрова́ния За́пада посрами́вый; ра́дуйся, еди́ную правосла́вную ве́ру бы́ти и́стинную и спаси́тельную для челове́ков утверди́вый.
Ра́дуйся, Спиридо́не, преди́вный чудотво́рче.

Конда́к 13.
О пречу́дный святи́телю Христо́в, о́тче Спиридо́не! Ны́нешнее на́ше моле́ние прие́м, изба́ви на́с от все́х бе́д и напа́стей, укрепи́ на враги́ страну́ на́шу, да́руй на́м оставле́ние прегреше́ний и изми́ от ве́чныя сме́рти все́х вопию́щих о тебе́ к Бо́гу: Аллилу́иа.
Этот конда́к читается трижды, затем и́кос 1-й и конда́к 1-й.

Моли́тва.
О вели́кий и пречу́дный святи́телю Христо́в и чудотво́рче Спиридо́не, Керки́рская похвало́, всея́ вселе́нныя свети́льниче пресве́тлый, те́плый к Бо́гу моли́твенниче и все́м к тебе́ прибега́ющим и с ве́рою моля́щимся скоропредста́тельный засту́пниче! Ты́ ве́ру правосла́вную на Нике́йстем Собо́ре посреде́ отце́в пресла́вно изъясни́л еси́, триеди́нство Святы́я Тро́ицы чуде́сною си́лою показа́л еси́ и еретико́в до конца́ посрами́л еси́. Услы́ши на́с, гре́шных, святи́телю Христо́в, моля́щихся тебе́, и си́льным твои́м предста́тельством у Го́спода изба́ви на́с от вся́каго зла́го обстоя́ния: от гла́да, пото́па, огня́ и смертоно́сныя я́звы. Ты́ бо во вре́менней жи́зни свое́й от все́х си́х бе́дствий избавля́л еси́ люде́й твои́х: от наше́ствия ага́рян и от гла́да страну́ твою́ сохрани́л еси́, царя́ от неисце́льнаго неду́га изба́вил и мно́гия гре́шники к покая́нию приве́л еси́, ме́ртвых пресла́вно воскреша́л еси́, за свя́тость же жития́ твоего́ А́нгелы, неви́димо в це́ркви пою́щия и сослужа́щия тебе́, име́л еси́. Си́це у́бо просла́ви тебе́, ве́рнаго Своего́ раба́, Влады́ка Христо́с, я́ко вся́ та́йная челове́ческая дея́ния дарова́ тебе́ разуме́ти и облича́ти непра́ведно живу́щия. Мно́гим, в ску́дости и недоста́точестве живу́щим, ты́ усе́рдно помога́л еси́, лю́ди убо́гия изоби́льно во вре́мя гла́да напита́л еси́ и и́на мно́га зна́мения си́лою в тебе́ живу́щаго Ду́ха Бо́жия сотвори́л еси́. Си́це и на́с не оста́ви, святи́телю Христо́в, помина́й на́с, ча́д свои́х, у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́ да да́рует на́м, кончи́ны же живота́ непосты́дныя и ми́рныя, и блаже́нства ве́чнаго в бу́дущем ве́це сподо́бит на́с, да вы́ну возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Моли́тва втора́я.
О всеблаже́нне святи́телю Спиридо́не, вели́кий уго́дниче Христо́в и пресла́вный чудотво́рче! Предстоя́й на Небеси́ Престо́лу Бо́жию с ли́ки А́нгел, при́зри ми́лостивым о́ком на предстоя́щия зде́ лю́ди и прося́щия си́льныя твоея́ по́мощи. Умоли́ благоутро́бие Человеколю́бца Бо́га, да не осу́дит на́с по беззако́ниим на́шим, но да сотвори́т с на́ми по ми́лости Свое́й. Испроси́ на́м у Христа́ и Бо́га на́шего ми́рное и безмяте́жное житие́, здра́вие душе́вное и теле́сное, земли́ благопло́дие и во все́м вся́кое изоби́лие и благоде́нствие, и да не во зло́ обрати́м блага́я, да́руемая на́м от ще́драго Бо́га, но во сла́ву Его́ и в прославле́ние твоего́ заступле́ния! Изба́ви все́х ве́рою несумне́нною к Бо́гу приходя́щих от вся́ких бе́д душе́вных и теле́сных, от все́х томле́ний и диа́вольских наве́тов. Бу́ди печа́льным уте́шитель, неду́гующим вра́ч, в напа́стех помо́щник, наги́м покрови́тель, вдови́цам засту́пник, си́рым защи́тник, младе́нцем пита́тель, ста́рым укрепи́тель, стра́нствующим путево́ждь, пла́вающим ко́рмчий и исхода́тайствуй все́м, кре́пкия по́мощи твоея́ тре́бующим вся́, я́же ко спасе́нию, поле́зная. Я́ко да, твои́ми моли́твами наставля́еми и соблюда́еми, дости́гнем в ве́чный поко́й и ку́пно с тобо́ю просла́вим Бо́га, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Моли́тва тре́тия.
О преблаже́нне святи́телю Спиридо́не! Умоли́ благосе́рдие Человеколю́бца Бо́га, да не осу́дит на́с по беззако́нием на́шим, но да сотвори́т с на́ми по ми́лости Свое́й. Испроси́ на́м, рабо́м Бо́жиим (имена́), у Христа́ и Бо́га на́шего ми́рное и безмяте́жное житие́, здра́вие душе́вное и теле́сное. Изба́ви на́с от вся́ких бе́д душе́вных и теле́сных, от все́х томле́ний и диа́вольских наве́тов. Помина́й на́с у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́, да да́рует на́м, кончи́ны же живота́ непосты́дныя и ми́рныя и блаже́нства ве́чнаго в бу́дущем ве́це сподо́бит на́с, да непреста́нно возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.